Trashëgimia e numrit 10 te Barça: Yamal në gjurmët e Ronaldinhos, Messit dhe Rivaldos

Fanella me numrin 10 e Lamine Yamal po shitet me sukses të jashtëzakonshëm në dyqanet përreth Barcelonës.

Klubi ka vendosur që 17-vjeçari të jetë tashmë bartësi më i përshtatshëm i kësaj fanelle historike.

Tani është koha e 17-vjeçarit, të marrë në dorë fanellën e numrit 10 dhe shumë thonë se ai ka potencialin për të fituar Topin e Artë këtë vit duke shkëlqyer me Barcelonën.

Duke qenë se numri 10 ka një rëndësi të veçantë në historinë e Barcelonës, ja 10 lojtarët e fundit që e kanë mbajtur këtë fanellë legjendare.

1/ Roger García

Spanjolli e veshi fanellën midis viteve 1994 dhe 1996.

2/ Lluís Carreras

Spanjolli, një lojtar i rëndësishëm në kohën e tij, mbante numrin 10 në fund të viteve ’90.

3/ Angel Cuellar

Një nga numrat 10 më pak të njohur te Barça, i cili e mbajti fanellën në vitet ’90 pas Carreras.

4/ Giovanni

Mesfushori dhe sulmuesi brazilian luajti përkrah Ronaldo Nazarios te Barça. Aty qëndroi tri vite.

5/ Jari Litmanen

Shquhej për karakterin e zjarrtë dhe mbajti fanellën për një periudhë të shkurtër.

6/ Rivaldo

Në fillim të viteve 2000, Rivaldo shkëlqeu në Barcelonë dhe fitoi edhe Topin e Artë duke mbajtur numrin 10.

7/ Juan Román Riquelme

Një mesfushor i zgjuar dhe një nga idhujt e Messit. Nuk qëndroi gjatë te Barcelona.

8/ Ronaldinho

Për rreth pesë vjet (2003–2008), ai ishte i paharrueshëm në skuadër, me driblimet dhe golat e tij. E ktheu sërish Barcelonën në majën e futbollit botëror.

9/ Lionel Messi

Futbollisti më i madh në historinë e klubit dhe botës, mbajti numrin 10 nga viti 2008 deri në 2021.

10/ Ansu Fati

Ishte një talent i madh që la shenja, edhe pse nuk e mbajti numrin 10 gjatë rikthimit të tij në moshën 22-vjeçare.