Transferimi te Barcelona, Depay: Ia vlen të luash për këtë ekip

Memphis Depay ka folur për jetën e re në qytetin e Barcelonës, shkruan lajmi.net.

Ai deklaroi se transferimi në Barcelona është një ëndërr e realizuar.

“Si futbollist, gjëja e parë që bëni kur lëvizni në një qytet të ri është të shikoni vendin dhe shtëpinë dhe të gjeni një vend të mirë dhe të përshtatshëm”, tha ai.

“Deri tani, karriera ime ka qenë një udhëtim, unë kam qenë i dedikuar që nga rinia ime dhe nganjëherë është pak çmenduri sepse në moshë kaq të re je duke konkurruar me të gjithë dhe nganjëherë e ka anën e keqe të vete”, shtoi ai.

“Por gjërat përmirësohen, sidomos kur transferoheni në klubin e ëndrrave, siç ishte transferimi im tek Barcelona”, deklaroi Memphis Depay.