Tottenham shumë pranë transferimit të yllit të Atalantës

Tottenham Hotspur thuhet se ka arritur një marrëveshje për të nënshkruar me lojtarin ukrainas Ruslan Malinovskyi nga Atalanta në merkaton e janarit.

29-vjeçari u lidh për një kohë të shkurtër me një lëvizje në Londrën e Veriut në merkaton e verës përpara se të hynte në vitin e fundit të kontratës së tij me skuadrën e Gian Piero Gasperini .

Shanset e Malinovskyit për një rinovim me Atalantën janë në dukje të pakta, pasi ukrainasi ka luftuar për të fituar minuta të rregullta për skuadrën e Serisë A në sezonin aktual.

Malinovskyi ka shënuar një herë dhe ka dhënë një asistim në 11 ndeshje në Serie A këtë sezon, por ai ka filluar vetëm katër nga ato ndeshje, duke u paraqitur nga stoli në shtatë të tjera.

Për të shmangur humbjen e 29-vjeçarit në një transferim të lirë në merkaton e verës, Atalanta supozohet se është e hapur për ta lënë atë të largohet për një tarifë të ulët në merkaton e janarit. Tottenham tani ka arritur një marrëveshje për të nënshkruar me Malinovskyi dhe do të paguajë 13 milionë paund për të blerë ish-lojtarin e Shakhtar Donetsk dhe Genk në janar.

Një lëvizje e tillë do t’i japë fund kohës së Malinovskyit në Itali, pasi ka regjistruar 30 gola dhe 27 asistime në 139 paraqitje për Atalantën që nga ardhja në verën e 2019./ h.ll/aalbeu.com