Topi i Artë 2026, Hakimi shpreson që trofeu të mbetet te PSG-ja

Achraf Hakimi ka shprehur dëshirën që Topi i Artë i këtij viti të përfundojë sërish në duart e një futbollisti të Paris Saint-Germain. Mbrojtësi i krahut, i përfshirë edhe vetë në listën përfundimtare, synon çmimin individual, por përparësi u jep sukseseve me skuadrën.

Fituesi i vitit të kaluar, sulmuesi Ousmane Dembele, është përsëri mes kandidatëve. Nga PSG në garë janë gjithashtu Marquinhos, Nuno Mendes, Willian Pacho, Khvicha Kvaratskhelia, Joao Neves, Fabian Ruiz, Vitinha dhe Ferran Torres.

Duke folur për trofeun, përfaqësuesi i Marokut tha se shpreson që një lojtar i PSG-së ta rikthejë atë në Paris, në mënyrë që skuadra dhe tifozët ta festojnë së bashku.

Për ambicien e tij personale, Hakimi u shpreh se bëhet fjalë për një çmim të veçantë, të cilin dëshiron ta fitojë çdo futbollist. Megjithatë, ai theksoi se edhe nëse nuk shpallet fitues, ndihet shumë i lumtur për nominimin, ndërsa trofetë e ekipit mbeten gjëja më e rëndësishme për të.

Rakitic ka zbuluar tre favoritët e tij për Topin e Artë, duke lënë jashtë Harry Kane.

Londra do të presë ceremoninë e Topit të Artë 2026 më 26 tetor. Harry Kane, Lamine Yamal dhe Kylian Mbappe konsiderohen pretendentët kryesorë për çmimin.