Tifozët akuzojnë Yaya Toure: Tottenham u favorizua në hedhjen e shortit të Champions

Të enjten në mbrëmje u hodh shorti i Champions League, ku skuadrat mësuan kundërshtarët e tyre në fazën e grupeve të këtij kompeticioni.

Gjatë hedhjes së shortit, Yaya Toure ishte përzgjedhur për të tërhequr goglat. Pas hedhjes së shortit tifozët kanë vërshuar në rrjetet sociale ndaj ish-mesfushorit të Barcelonës, i cili aktualisht është trajner i të rinjve të Tottenham.

Dhe londinezët përfunduan me grupin ndoshta më të mirë të shortit, duke rënë në grup me Eintracht Frankfurt, Sporting Lisbonën dhe Marseillen.

Kjo bëri që tifozët e futbollit të vërshojnë Twitterin me pretendime qesharake se Toure në një farë mënyre e kurdisi shortin në favor të Spurs.

“Yaya Toure duke na nxjerrë grupin më të lehtë të mundshëm që Harry Kane të fitojë trofeun e tij të parë të Ligës së Kampionëve”.

“Yaya Toure tashmë një legjendë e Tottenhamit në librin tim”.

“A nuk bëri një punë të shkëlqyer Yaya Toure i Tottenhamit?”.

“Toure sapo manipuloi UCL-në para gjithë botës. Një grup i Ligës së Evropës në UCL”.

“Tottenham me Frankfurt, kaq me fat. Yaya manipulon shortin”.

Toure sigurisht që nuk u tërhoq nga deklarimi i mbështetjes së tij për Tottenhamin përpara se të realizonte shortin.

Duke folur në skenë, tre herë fituesi i Ligës Premier tha: “Do të doja të përfitoj nga ky rast për të falënderuar Tottenhamin. Ata janë fantastikë në klub. Ndihem sikur i përkas një familjeje. Është e jashtëzakonshme ajo që ata kanë bërë për mua”.