SHBA-Belgjikë për një vend në çerekfinale, ja formacionet zyrtare

Në raundin e 16-të të Kupës së Botës, Shtetet e Bashkuara të Amerikës dhe Belgjika matin forcat në Seattle, në një takim që nis në orën 02:00 sipas kohës sonë lokale.

Skuadra që del fituese nga kjo ndeshje do të kalojë në çerekfinale, aty ku tashmë pret Spanja, e cila siguroi kualifikimin pas triumfit 1-0 ndaj Portugalisë.

Para kësaj sfide, një nga çështjet më të komentuara ka qenë ajo e sulmuesit amerikan Folarin Balogun. FIFA vendosi t’i heqë kartonin e kuq të marrë në ndeshjen e kaluar, çka i mundëson të jetë në formacion që nga minuta e parë përballë Belgjikës.

Nga krahu tjetër, trajneri i Belgjikës, Rudy Garcia, ka zgjedhur të ndërhyjë në formacionin titullar me katër lëvizje në raport me ndeshjen e fundit.

Në mbrojtje, Ngoy aktivizohet në të majtë në vend të Theate. Në repartin e mesfushës, Onana dhe Raskin e nisin nga fillimi, duke zëvendësuar Vanaken dhe De Bruyne. Ndërkohë, Jeremy Doku nuk është titullar dhe qëndron në bankën rezervë, ndërsa Dodi Lukebakio e nis sfidën nga minuta e parë.

Formacionet zyrtare

SHBA: Freese, Freeman, Ream, Richards, Robinson, Tillman, Adams, Dest, McKennie, Pulisic, Balogun.

Belgjika: Courtois, Castagne, Ngoy, Mechele, De Cuyper, Onana, Tielemans, Lukebakio, Raskin, Trossard, De Ketelaere.