Ronaldo pezullohet përkohësisht nga Portugalia, rrezikon deri në gjashtë muaj jashtë kombëtares

Cristiano Ronaldo është ndëshkuar përkohësisht nga Federata Portugeze e Futbollit (FPF), pasi u largua nga grumbullimi i Kombëtares së Portugalisë pas konfliktit të tensionuar me përzgjedhësin Jorge Jesus.

Vendimi fillestar është marrë në përputhje me rregullat e brendshme të FPF-së, të cilat parashikojnë masa për largimin e paautorizuar nga grumbullimi i ekipit kombëtar. Dosja i është dorëzuar këshillit disiplinor, që do të analizojë rrethanat dhe do të përcaktojë sanksionin përfundimtar.

Sipas rregullores së federatës, sulmuesi portugez mund të pezullohet nga përfaqësuesja për një periudhë nga një deri në gjashtë muaj.

Pas incidentit, Ronaldo u ka kërkuar falje publikisht tifozëve dhe bashkëlojtarëve për largimin e papritur. Ai ka deklaruar se veprimi i tij duhet të marrë ndëshkimin përkatës, ndërsa fakti që mban shiritin e kapitenit konsiderohet rrethanë rënduese.

Kapiteni i Portugalisë ka thënë gjithashtu se do ta respektojë dhe pranojë pa kundërshtime vendimin që do të marrë organi disiplinor.

Tashmë, e gjithë vëmendja është te këshilli disiplinor i Federatës Portugeze të Futbollit, i cili duhet të vendosë masën përfundimtare. Në rast se zbatohet dënimi maksimal, Ronaldo mund të qëndrojë deri në gjashtë muaj jashtë kombëtares, me pasoja të rëndësishme për të ardhmen e tij me fanellën e Portugalisë.

Për momentin, kohëzgjatja e pezullimit nuk është përcaktuar ende dhe pritet të vendoset nga organet përgjegjëse.