Romario shpërthen ndaj Ancelottit: Kontrata duhej grisur menjëherë

Pas daljes së Brazilit nga Norvegjia në fazën e 1/8 së finales të Kupës së Botës 2026, Romario ka reaguar me tone shumë të ashpra kundër përzgjedhësit të kombëtares, Carlo Ancelotti.

Ish-fituesi i Kupës së Botës u shpreh pa asnjë rezervë se trajneri italian nuk duhet të vazhdojë më në drejtimin e përfaqësueses braziliane.

“Unë do t’ia kisha grisur kontratën. Pas ndeshjes do të kisha hyrë në dhomat e zhveshjes si president dhe do t’i thosha: ‘Faleminderit shumë, mirupafshim dhe shko në djall. Më padit në gjykatë dhe ta shohim çfarë ndodh’.”

Sipas Romarios, eliminimi i Brazilit përbën një dështim të papranueshëm, ndaj Ancelotti, sipas tij, duhet të largohet menjëherë nga detyra.

“Nuk ka asnjë mundësi që Ancelotti të vazhdojë si trajner i kombëtares braziliane pas kësaj katastrofe, pas këtij turpi që ka shkaktuar. E kam thënë edhe më parë dhe po e përsëris: kjo është e papranueshme.”

Ai solli në vëmendje edhe precedentët me trajnerët e mëparshëm të Brazilit, duke nënvizuar se pas dështimeve ata janë larguar nga posti.

“Kjo duhet të ndryshojë. Nuk mund të vazhdojë kështu. Patëm Dungën, humbi dhe u largua. Patëm Scolarin, fitoi Kupën e Botës dhe vazhdoi”.

“Patëm Titen, humbi, qëndroi dhe humbi sërish. Tani kemi këtë Ancelottin, humbi dhe prapë do të vazhdojë”, përfundoi ai.