Rodri, 90 minuta larg një triumfi që e fut në rrethin më të ngushtë të legjendave të futbollit

Mesfushori i Spanjës, Rodri, ndodhet në pragun e një suksesi që vetëm dhjetë emra të mëdhenj e kanë prekur deri më tani. Ai tashmë numëron në karrierën e tij Topin e Artë dhe trofeun e Ligës së Kampionëve, ndërsa i duhet vetëm një hap për të shtuar edhe Kupën e Botës.

Një fitore në finalen e botërorit do t’i siguronte atij një vend në mesin e legjendave që kanë kompletuar të ashtuquajturën “trilogji të artë”. Ky është një grup tejet i përzgjedhur, ku bëjnë pjesë figurat më ikonike të këtij sporti.

Lista aktuale e lojtarëve që kanë arritur të fitojnë këto tre çmimet më të lakmuara të futbollit përfshin emra si Zinedine Zidane, Lionel Messi, Bobby Charlton, Ronaldinho, Kaka, Rivaldo, Gerd Muller, Franz Beckenbauer, Paolo Rossi dhe Ousmane Dembele. Nëse Spanja del fituese, Rodri do të jetë futbollisti i 11-të që i bashkohet kësaj elite ekskluzive.

Për spanjollin, sfida e fundit nuk përfaqëson vetëm një shans për t’i sjellë vendit titullin kampion bote. Ajo është një portë drejt pavdekësisë sportive, duke e vendosur emrin e tij përgjithmonë krah atyre që konsiderohen si disa prej më të mëdhenjve që ka parë historia e futbollit.