Real Madridi me dy mungesa ndaj Espanyolit, Mourinho lë jashtë Tchouamenin dhe Endrickun

Real Madridi do ta zhvillojë ndeshjen e nesërme kundër Espanyolit, e vlefshme për javën e parë të La Ligës, pa Aurelien Tchouamenin dhe Endrickun.

Jose Mourinho bëri të ditur se mesfushori francez është rikthyer në stërvitje pas problemit muskulor, por ende nuk e ka arritur nivelin e nevojshëm fizik për të luajtur në takimin hapës të kampionatit.

Trajneri portugez ka zgjedhur të mos rrezikojë me Tchouamenin, i cili do të ketë nevojë për disa ditë të tjera pune për ta përshpejtuar rikuperimin dhe për t’u kthyer në formën e duhur.

“Tchouameni është mirë, por duhet të stërvitet të premten, të shtunën dhe të dielën për ta përshpejtuar rikuperimin e tij”, deklaroi Mourinho.

“Ai erdhi në një gjendje që nuk do t’i mundësojë të jetë plotësisht i gatshëm për këtë ndeshje”, shtoi trajneri i Real Madridit.

Edhe Endricku nuk do të jetë në dispozicion për përballjen me Espanyolin, pasi braziliani nuk është rikuperuar ende nga mbingarkesa muskulore.

Sipas Mourinhos, Endricku përbën të vetmen mungesë të re në skuadër në krahasim me sezonin e kaluar.

“I vetmi lojtar që mungon në këtë ndeshje dhe që nuk ishte këtu sezonin e kaluar është Endricku”, u shpreh ai.

Si rrjedhojë, madrilenët do ta nisin sezonin e ri në La Liga pa dy lojtarë të rëndësishëm. Megjithatë, Mourinho preferon që Tchouameni të mos aktivizohet derisa francezi të jetë rikthyer plotësisht në gjendjen optimale.