Rashica pas ndeshjeve me Kosovën: “Gjithmonë me zemër për këtë fanellë

Milot Rashica e ka përfunduar një cikll të vështirë me Kosovën, të cilin e përshkruan si periudhë të plotë aktivitet dhe veçanërisht të rëndësishme për shkak të gjashtësë për ta përfaqësuar vendin.

Megjithatë, këto ndeshje nuk e shkarkuan në aspektin e minutave të luajtura në fushë. Ai mori pjesë në tre nga katër takimet e Kosovës dhe në secilën prej tyre filloi nga banka. Gjatë.fitores 1-0 ndaj Irlandës, luajti për 18 minuta, ndërsa në humbjen 3-1 ndaj Austrisë në Vjenë nuk u aktivizua.

Në ndeshjen e radhës ndaj Izraelit në Debrecen, Rashica zuri 22 minuta në fushë. Gjithashtu, në barazimin 1-1 kundër Austrisë në stadiumin “Fadil Vokrri”, hyri në minutën e 67-të.

“Dy javë shumë dinamike, me katër ndeshje jo të lehta, por gjithmonë kënaqësi ta përfaqësoj Kosovën. Krenari e madhe të jap gjithçka për Kosovën, çdo herë e në çdo formë. Gjithmonë me zemër për këtë fanellë, në rrugën që po ndërtojmë dhe me ëndrrën që kemi para nesh”, ka shkruar Rashica.

Rashica nuk e ka kaluar lehtë këtë periudhë as te Beşiktaşi. Problemet me klubin nuk i kishin dhënë shumë minutazh dhe ai mori pjesë vetëm në ndeshjen e fundit ndaj Amedsporit, kur hyri në pjesën e dytë.

Pavarësisht kësaj, ai vazhdoi të ishte pjesë e Kosovës dhe kontribuoi në tri paraqitjet e këtij cikli. Në takimin ndaj Austrisë në Prishtinë, Rashica u afrua shumë ndaj golit pak minuta pas fushës së Fisnik Asllanit, por goditja e tij në shtyllë u kthye në zonë, ku goditja e Veldin Hoxhës u pengua nga portieri.

Kosova e mbylli këtë varg prej katër ndeshjesh me pesë pikë. Rezultatet përfshinë fitoren ndaj Irlandës, humbjen ndaj Austrisë dhe dy barazime, me Izraelin dhe Austrinë.

Në nëntor, Dardanët kanë edhe dy takime për të luajtur, kundër Izraelit dhe Irlandës, me objektivin ta mbyllin sa më mirë këtë edicion të Ligës së Kombeve.