Rama për vdekjen e Beckenbauer: U shkëput një tjetër copë e bukur e fëmijërisë tonë

Kryeministri Edi Rama ka reaguar për ndarjen nga jeta të një prej legjendave të futbollit, Franz Beckenbauer.

Në llogarinë e tij në “Facebook” , Rama shkruan se me ikjen e Franz Beckenbauer është shkëputur një tjetër cope e bukur e fëmijërisë, atëhere kur futbolli ndërkombëtar ishte vetë bota në Shqipërinë e burgosur brenda mureve të komunizmit.

“Kaiser Franz ishte si një valltar i dalë nga koreografitë e mjeshtrave të baletit modern në qendrën e mbrojtjes së Gjermanisë, ku ngriti kupën e botës e më pas, si një personazh i letërsisë gjermane në këmbë përpara stolit të Bundesmanschaft-it, kur e udhëhoqi Gjermaninë drejt një tjetër kupe të botës. Me ikjen e tij shuhet një tjetër legjendë e gjallë e sportit më të dashur në botë dhe shkëputet një tjetër copë e bukur e fëmijërisë sonë, atëherë kur futbolli ndërkombëtar ishte vetë bota në Shqipërinë e burgosur brenda mureve të komunizmit”, shkruan Rama.

Franz Beckenbauer mbylli sytë përgjithmonë në moshën 78-vjeçare. Familja njoftoi se legjenda gjermane e futbollit, fituesi i Kupës së Botës dhe i nëntë herë titujve të Champions League, ka mbyllur sytë përgjithmonë më 7 Janar 2024.

I lindur në Giesling, një lagje e klasës punëtore të Mynihut, në shtator të vitit 1945, Beckenbauer u rrit si një tifoz i Mynihut të vitit 1860, por në vend të kësaj iu bashkua grupit të të rinjve në Bajernin e atëhershëm jo në modë.

Beckenbauer, i mbiquajtur “Der Kaiser”, konsiderohet unanimisht si një nga lojtarët më të mëdhenj të futbollit. Ai u bashkua me Bayern Munich në 1964 duke bërë 400 paraqitje, për t’u cilësuar si lojtari i tyre më i madh ndonjëherë.

Franz Beckenbauer e fitoi për herë të parë Kupën e Botës si lojtar në vitin 1974. Ai do ta ngrinte trofeun sërish si trajner i Gjermanisë në 1990.

78 vjeçari ishte një nga vetëm tre lojtarët, duke përfshirë menaxherin e Francës Didier Deschamps dhe ikonën braziliane Mario Zagallo, i cili vdiq javën e kaluar, që ka fituar një Kupë Botërore si lojtar dhe trajner. /newsport.al/