Këshilli i Ministrave miratoi sot projektligjin e ri për donacionet dhe sponsorizimet. Ministri i Turizmit, Kulturës dhe Sportit, Blendi Gonxhja, e cilësoi vendimin si fillimin e një kapitulli të ri për sportin, kulturën dhe artin në Shqipëri.
Duke folur nga stadiumi “Air Albania”, Gonxhja shpjegoi se projektligji synon të ndryshojë mënyrën e financimit të veprimtarive sportive, artistike dhe kulturore. Sipas tij, nisma përbën një hap historik për zhvillimin e këtyre fushave dhe krijon më shumë mundësi për të rinjtë dhe talentet shqiptare.
None found
Reforma e Ministrisë së Turizmit, Kulturës dhe Sportit synon të forcojë partneritetin mes shtetit dhe biznesit, duke e kthyer sponsorizimin në një mënyrë konkrete investimi te talenti shqiptar. Sipas dispozitave të reja, bizneset që mbështesin sportin, artin dhe kulturën do të mund të zbresin faturën e sponsorizimit drejtpërdrejt nga tatimi mbi fitimin, deri në masën 30 përqind.
Skema parashikon një tavan prej 2 miliardë lekësh të reja në vit, ose rreth 22 milionë euro, për financimin e këtyre sektorëve. Kjo shumë do të jetë shtesë ndaj programeve vjetore të miratuara në buxhetin e shtetit. Gonxhja tha se politika e re i trajton sportin, artin dhe kulturën si përparësi për shkak të vlerës sociale, edukative dhe ekonomike që krijojnë.
Sipas ministrit, nxitja e sponsorizimeve pritet të shtojë aktivitetet dhe bashkëfinancimet, të përmirësojë imazhin e prestigjin ndërkombëtar dhe të mbështesë industrinë krijuese e komunitetet sportive. Ai tha se ndikimi i saj do të shtrihet edhe te forcimi i kohezionit dhe ulja e kostove shtetërore në shëndetësi, siguri dhe çështje sociale.
Gonxhja theksoi se reforma parashikon më shumë transparencë përmes një regjistri elektronik kombëtar të sponsorizimeve, si dhe mekanizmave të auditimit e kontrollit. Ai e përshkroi nismën si të shumëpritur dhe të kërkuar, duke thënë se Shqipëria mund ta ndërmarrë sot falë potencialit financiar e buxhetor të krijuar nga politikat dhe rritja konkrete ekonomike.
Kabineti i sigurisë i Izraelit, i drejtuar nga kryeministri Benjamin Netanyahu, ka urdhëruar ushtrinë të intensifikojë përgatitjet për një sulm…
Sulmuesi brazilian dëshiron të largohet në formë huazimi gjatë afatit kalimtar të janarit, në kërkim të më shumë minutave, por…
Martin Zubimendi po kalon një periudhë të pazakontë te Arsenali, pasi ende nuk ka arritur të sigurojë një vend në…
Punëtorët e KEK-ut kanë mbajtur sot një protestë para zyrave të menaxhmentit dhe Bordit Drejtues të korporatës në Prishtinë, në…
Ministri i Punëve të Brendshme, Xhelal Sveçla, ka dhënë sqarime në Kuvendin e Kosovës lidhur me furnizimin e Policisë së…
Deputetët e Kuvendit të Kosovës kanë shkuar në pauzë deri në orën 14:00, menjëherë pas përfundimit të deklarimeve jashtë rendit…