Thashethemet që e lidhin PSG-në me një transferim të një lojtari të Barcelonës nuk kanë asnjëherë fund. Më herët ishte raportuar për Gavi dhe Xavi u detyrua t’i përgjigjet këtyre lajmeve, dhe tani po bëhet fjalë për Frenkie De Jong.
Siç raporton mediumi spanjoll Mundo Deportivo, PSG-ja janë të gatshëm të bëjnë gjithçka që duhet për të blerë De Jongun gjatë verës.
None found
Besohet se PSG-ja kishin qenë shumë afër mbylljes së marrëveshjes për transferimin e De Jong në verën e vitit 2019, por ishte presidenti i atëhershëm Josep Maria Bartomeu ai i cili nuk e lejoi këtë gjë.
PSG tani thuhet se ka rikthyer interesimin e tyre dhe Barcelona do të joshej që të pranonte shitjen e tij për shkak të situatës financiare.
Paga e lartë e De Jongut paraqet një problem të madh për blaugranasit dhe shitja e tij do t’i lehtësonte problemet financiare.
Katalanasit raportohet se kanë refuzuar më herët një ofertë nga Tottenhami për De Jong, por oferta e PSG me shumë mundësi do të jetë më e madhe dhe do t’i bëjë drejtuesit e klubit të mendojnë dy herë para se të japin një përgjigje.
Raporti shton më tutje se Barcelona do të ishin më se të lumtur që të shesin holandezin në rast se ai nuk pranon ulje të pagës, në fakt vet lojtari e ka ripërsëritur dëshirën e tij për të qëndruar andaj mbetet të shihet se cili do të jetë përfundimi. /Telegrafi/
Një nga risitë më të mëdha të Kupës së Botës 2026 ka qenë futja e pushimeve për hidratim. FIFA vendosi…
Kolumbia ishte shumë pranë ta mbyllte fazën e grupeve me fitore ndaj Portugalisë, por një vendim i teknologjisë VAR i…
Republika Demokratike e Kongos ka shkruar historinë në Kupën e Botës 2026, duke siguruar për herë të parë kualifikimin në…
Kolumbia dhe Portugalia kanë barazuar pa gola (0-0) në ndeshjen e fundit të Grupit, rezultat që u mjaftoi të dyja…
Harry Kane ka hyrë në historinë e futbollit anglez, duke u bërë golashënuesi më i mirë i Anglisë në historinë…
Janë publikuar formacionet zyrtare për përballjen mes Jordanisë dhe Argjentinës në raundin e tretë të fazës së grupeve të Kupës…