PSG dhe Barcelona hyjnë në lojë për yllin që Real Madridi e do me çdo kusht

Konkurrenca për transferimin e mesfushorit të Manchester Cityt, Rodri, është ashpërsuar ndjeshëm, me dy gjigantë të tjerë europianë që kanë hyrë në skenë.

Sipas raportimeve të gazetarit Fabrice Hawkins, Paris Saint-Germain dhe Barcelona janë futur në garën për të siguruar shërbimet e reprezentuesit spanjoll.

Edhe pse Real Madridi ka shfaqur prej kohësh një interesim të thellë dhe thuhet se ka arritur një akord paraprak gojor me lojtarin, klubi francez ka ndërmarrë një hap konkret duke kontaktuar drejtpërdrejt klubin anglez për të hetuar mundësitë e një marrëveshjeje.

Nga ana tjetër, edhe Barcelona po bën përpjekje intensive për ta joshur mesfushorin që të rikthehet në La Liga dhe të vishet blaugrana, sidomos pas paraqitjes së tij mbresëlënëse në Kupën e Botës, ku ai ishte një figurë kyçe në triumfin e Spanjës dhe u vlerësua me çmimin e lojtarit më të mirë të kompeticionit.

Duke pasur parasysh se kontrata e tij aktuale skadon pas vetëm një viti, drejtuesit e PSG-së dhe Barcelonës e konsiderojnë Rodrin si një rast të volitshëm në tregun e transferimeve.

Aktualisht, vlera kartonit të mesfushorit spanjoll llogaritet rreth 55 milionë euro, një shifër kjo e ndikuar drejtpërdrejt nga kohëzgjatja e shkurtër e marrëveshjes së tij me Manchester Cityn.