Prishtina dhe Llapi përballen në “Fadil Vokrri”, publikohen formacionet e derbit të xhiros së tretë

Sonte, stadiumi “Fadil Vokrri” do të jetë skenë e një përballjeje interesante mes Prishtinës dhe Llapit, e vlefshme për xhiron e tretë të Superligës së Kosovës. Ky takim pritet të sjellë rivalitet të ashpër në fushë.

Prishtina vjen në këtë sfidë me një fitore në dy ndeshjet e para, ndërkohë që ndeshja ndaj Dritës është shtyrë. Kryeqytetasit kanë për qëllim të vazhdojnë me paraqitje pozitive dhe të sigurojnë fitoren e dytë të sezonit përpara tifozëve të tyre.

Në anën tjetër, Llapi ka nisur kampionatin me dy humbje në dy xhirot e para, duke e bërë këtë ndeshje vendimtare për të hapur llogarinë e pikëve. Skuadra nga Podujeva do të kërkojë pikët e para pikërisht në kryeqytet.

Në aspektin e formacioneve, Prishtina do të mbështetet te Diatta, Selmani dhe Kryeziu në fazën ofensive, ndërsa Labinot Krasniqi do të ketë rol të rëndësishëm në organizimin e lojës.

Te Llapi, rreziku kryesor në sulm pritet të vijë nga Ademi, Gashijani dhe Hasani.

Objektivat e dy ekipeve janë të qarta: Prishtina kërkon të vazhdojë serinë pozitive, ndërsa Llapi synon të marrë pikët e para të sezonit.

Formacionet zyrtare

Prishtina: Iljazi, Zeqiri, Lugiqi, Kryeziu, Halili, Diatta, Bytyqi, Saletic, Krasniqi, Selmani.

Llapi: Troost, Aliu, Ajvazi, Jaha, Hasani, Ademi, Ramadani, Blakçori, Hetemi, Xhaka, Gashijani.