Prapaskena e transferimit: Real Madridi nuk e deshi Enzo Fernandezin

Real Madridi nuk pranoi të interesohej për Enzo Fernandezin, duke i krijuar Manchester Cityt mundësinë që të siguronte shërbimet e mesfushorit argjentinas nga Chelsea.

Fernandezi mendonte se mund të gjente një vend në repartin e mesfushës së klubit spanjoll dhe, përmes disa deklaratave publike, kishte lënë të kuptohej se do ta mirëpriste një kalim te Real Madridi.

Megjithatë, klubi madrilen nuk iu përgjigj interesimit të lojtarit. Për më tepër, drejtuesit e Real Madridit mohuan publikisht se po shqyrtonin mundësinë e transferimit të mesfushorit të Chelseat.

Gazetari Jose Felix Diaz raporton se qëndrimi i Real Madridit i hapi rrugën Manchester Cityt për të ndërhyrë me shpejtësi. Klubi anglez përshpejtoi bisedimet dhe arriti marrëveshjen për transferimin e Fernandezin.

Manchester City përfundimisht e mori mesfushorin argjentinas nga Chelsea, duke u pozicionuar përpara Real Madridit, i cili nuk kishte treguar vullnet për ta sjellë lojtarin në “Santiago Bernabeu”.

Fernandezi, tashmë një nga mesfushorët kryesorë të Chelseat, do ta vijojë karrierën në Manchester. Ndërkohë, Real Madridit i duhet të kërkojë emra të tjerë për të përforcuar mesfushën.