Pothuajse 2 vite nga grabitja në shtëpinë e Ashley Cole, dalin detajet rrënqethëse nga ngjarja

Ashley Cole, mbrojtësi legjendar anësor i Anglisë, i cili u tërhoq nga futbolli në moshën 38-vjeçare në gusht 2019, u grabit nga hajdutë të maskuar në rezidencën e tij në Fetcham, Surrey, në janar 2020.

Grabitja e dhunshme, e ndodhur më 21 janar, është kryer nga deri në gjashtë hajdutë “të veshur me veshje kamuflazhi dhe kapuç”. Më pas ata u nisën me një sasi të madhe bizhuterish.

Ish-ylli i Arsenalit dhe Chelseat, i cili tani punon në Everton si pjesë e stafit teknik, u lidh në një karrige në grabitje dhe përfundoi duke u “dridhur jashtëzakonisht” nga përvoja.

Sprova e Ashley Cole

Më shumë se dy vjet pas grabitjes, “Mirror” raporton se Ashley Cole ishte lidhur në një karrige në grabitje dhe hajdutët kërcënuan se do t’i prisnin gishtat para fëmijëve të tij.

Në gjyqin, i cili po mbahet në Gjykatën e Nottingham Crown, u konfirmua se Ashley Cole ishte lidhur dhe i kërcënuar me thikë përpara partneres së tij dhe dy fëmijëve dhe se njëri nga grabitësit i tha “le t’i presim gishtat” njërit prej tyre.

Gjyqi për grabitjen e Ashley Cole

Prokuroria e përshkroi kalvarin e vuajtur nga Cole, partnerja e tij dhe dy fëmijët e tyre si “të dhunshme dhe të ekzekutuara në mënyrë të pamëshirshme”.

“Prania e pronarëve të shtëpive nuk i pengoi këta të pandehur,” tha prokurori Michael Brady. “Ata ishin të armatosur me armë dhe mjete për t’i nënshtruar. Prania e fëmijëve nuk i shqetësoi ata.”

Pas grabitjes, kriminelët spërkatën duart e Ashley Cole me një lëng që eliminon erën, Febreze, në një përpjekje për të shkatërruar çdo provë të ADN-së që mund t’i jepte ato.

Kurtis Dilks është një nga njerëzit e akuzuar në grabitjen e shtëpisë së Ashley Cole dhe ai përballet me gjyqin së bashku me nëntë persona të tjerë që janë akuzuar për ndihmë dhe nxitje në grabitjen. /h.ll/albeu.com