Pique: Pedri do të jetë lojtari më i mirë në botë, Haaland-Mbappe? Vështirë të zgjedh

Gerard Pique ka bërë një sërë titujsh për mediat në një intervistë me Gary Neville për “Sky Sports”.

Mbrojtësi i Barcelonës diskutoi një sërë temash të tjera me ish-bashkëlojtarin e tij në Manchester United, dhe filloi duke dhënë një përmbledhje të shkëlqyer të Pedrit.

“Pedri ka shumë shanse për të qenë lojtari më i mirë në botë”, tha Pique.

“Gavi gjithashtu është shumë i mirë për moshën e tij. Ne kemi talente të mëdha këtu në Barcelonë tani. Ata duhet të rriten, por tani janë shumë të mirë.”

Neville më pas e pyeti Piquen se kë preferon nga dy lojtarët e rinj më emocionues në futbollin botëror, Erling Haaland dhe Kylian Mbappe.

“Unë mendoj se ata janë dy nga lojtarët më të mirë për momentin. Ata janë shumë të rinj, kanë potencialin për të fituar Topin e Artë. Unë mendoj se Haaland është më shumë një sulmues i pastër, shumë i fortë, ai shënon shumë gola.

Kylian Mbappe është më shumë një lojtar i kompletuar, ai mund të luajë si anësor dhe sulmues. Të dy janë shumë të mirë. Nuk pata mundësinë të luaj kundër Haaland, luajta kundër Mbappe. Vështirë për të zgjedhur.”

Pique u pyet nëse Cristiano Ronaldo ishte më i mirë në Manchester United apo Real Madrid.

“Mendoj se te Manchester United, Cristiano Ronaldo luajti më shumë si anësor, kështu që ai ishte më i fokusuar në shfaqje spektakolare”, tha Pique.

“Në Madrid ai filloi të luante si sulmues, ai ishte një tipar, ai shënoi kaq shumë gola dhe ai ishte kaq i rëndësishëm për Real Madridin për të fituar Ligën e Kampionëve dhe disa liga.

“Është e vështirë të zgjedhësh. Ndoshta te Real Madrid, pasi ai fitoi më shumë tituj”./ h.ll/albeu.com