Categories: sport

Përzgjedhja e javës së 8-të në Superiore: lojtarët më të spikatur dhe trajneri i javës

Java e 8-të e “Abissnet Superiore” u mbyll të dielën me fitoren 2-1 të Dinamos ndaj Egnatias në “Elbasan Arena”. Në përfundim të kësaj jave, “Newsport.al” sjell formacionin e lojtarëve që lanë gjurmë me paraqitjet e tyre, si dhe trajnerin fitues.

Ortelio BIBA (Laçi) – Portieri i Laçit ndali penalltinë e Karricës dhe reagoi me siguri në çastet më të rëndësishme të takimit. Fitorja 1-0 ndaj Vorës u ruajt deri në fund edhe falë ndërhyrjeve të tij të sakta.

Të lidhura

None found

Arlind KURTI (Laçi) – Përveç golit që vendosi fatin e ndeshjes dhe i dha skuadrës 3 pikët, kapiteni tregoi përgjegjshmëri në prapavijë. Kurti ishte i dobishëm edhe në daljet përpara, duke kontribuar në të dyja fazat e lojës.

Bruno LULAJ (Elbasani) – Barazimi 0-0 në Durrës ishte pasojë e punës së mirë të Elbasanit në mbrojtje. Nën drejtimin e Glen Dajës, skuadra neutralizoi Teutën, ndërsa kapiteni Lulaj ishte një nga arsyet kryesore pse kryesuesit u larguan vetëm me një pikë nga shtëpia.

Naser ALIJI (Dinamo) – Mbrojtësi i Dinamos dhe i Kombëtares vazhdon të jetë një pikë kyçe e repartit defensiv. Së bashku me kapitenin Bruno Dita dhe pjesën tjetër të mbrojtjes, ai përbën boshtin e skuadrës kryeqytetase. Për këtë arsye, Ilir Daja e ka kthyer në titullar të padiskutueshëm, ndërsa Aliji po e justifikon këtë besim në çdo ndeshje.

Dejvid JANAQI (Skënderbeu) – Në momentin kur Partizani po kërkonte golin e barazimit, mesfushori i Skënderbeut realizoi një gol të bukur dhe i dha goditjen përfundimtare kundërshtarit. Fitorja 0-2 ndaj të kuqve ishte e dyta radhazi për korçarët në Superiore.

Ibrahim ABBAS (Elbasani) – Ishte aktiv, i përkushtuar dhe i disiplinuar në lëvizjet e tij në mesfushë. Abbas duket se i ka kuptuar mirë kërkesat e Glen Dajës dhe, ashtu si pjesa tjetër e ekipit, zhvilloi një paraqitje bindëse duke arsyetuar minutat e luajtura.

Adnard MEHMETI (Vllaznia) – Goli i tij i dytë ndaj Tiranës i dha vulën fitores së shkodranëve në Klasike. Vllaznia po rikthehet gradualisht në formën e saj, ndërsa Mehmeti po fiton gjithnjë e më shumë rëndësi në skemat e trajnerit Csaba Laszlo.

Ergis ARIFI (Teuta) – Edhe pse Teuta mori vetëm një pikë në përballjen me Elbasanin, Arifi ishte ndër lojtarët më aktivë të skuadrës. Ai u përpoq vazhdimisht të shqetësonte mbrojtjen verdheblu dhe, në bashkëpunim me shokët e ekipit, kërkoi hapësira për të ndërtuar aksione goli. Mesfushori mbetet një nga elementët e çmuar të Edlir Tetovës.

Ennur TOTRE (Skënderbeu) – Ishte ai që zhbllokoi sfidën ndaj Partizanit, duke shënuar nga pika e bardhë. Mesfushori pati edhe një tjetër mundësi të mirë për të realizuar, por e shpërdoroi plotësisht. Gjithsesi, penalltia e shënuar e shpëtoi paraqitjen e tij, ndërsa në pjesën tjetër të takimit ai u shfaq vazhdimisht si kërcënim për mbrojtjen e kuqe.

Klevi QEFALIJA (Dinamo) – Rëndësia e Qefalisë në skuadrën e Ilir Dajës dëshmohet më së miri nga ajo që prodhon në fushë. Ai krijon rrezik sa herë që ka topin në këmbë, veçanërisht kur godet drejt portës. Qefalija shfrytëzoi menjëherë rastin e parë ndaj Egnatias dhe më pas realizoi edhe golin e dytë, duke përmbysur rrogozhinasit. Me meritë u shpall lojtari më i mirë i ndeshjes.

Edison MURATAJ (Vllaznia) – Sulmuesi shënoi golin e parë ndaj Tiranës dhe pati një ndikim të rëndësishëm në repartin ofensiv. Murataj po konsolidohet në idetë e Csaba Laszlos, i cili u jep lojtarëve të avancuar liri për të shfaqur fantazinë e tyre.

Trajneri fitues – Csaba Laszlo. Përmirësimi i Vllaznisë pas situatës së vështirë lidhet edhe me ndikimin e trajnerit hungarez. Edhe pse versioni më i mirë i skuadrës së tij kërkon ende kohë dhe përshtatjen e ideve me ekipin, fitorja ndaj Tiranës në Klasike tregoi se vendosja taktike dhe plani i tij funksionuan në mënyrë të përsosur.

të fundit

Zhegrova pritet të rikthehet për duelin me Venezian

Edon Zhegrova pritet të jetë i gatshëm për ndeshjen që Juventusi e luan këtë vikend në kuadër të kampionatit italian.…

6 minutes ago

Legal proceedings begin against former Tetovo mayor Teuta Arifi

Me prezantimin e akuzës dhe dëgjimin e dëshmitarëve ka filluar sot gjykimi për ish kryetaren e Komunës së Tetovës Teuta…

7 minutes ago

Ministry of Interior reminds drivers of the requirement for winter equipment in vehicles

Ministria e Punëve të Brendshme (MPB) në RMV njofton se nga 15 nëntori deri më 15 mars, të gjitha automjetet…

7 minutes ago

Zelensky confirms strike on Crimean Bridge: Operation was a response to Russian attacks

Presidenti ukrainas, Volodymyr Zelensky, ka konfirmuar se Ukraina ka ndërmarrë një sulm ndaj urës strategjike që lidh gadishullin e Krimesë…

8 minutes ago

Greece marks 53 years since the Polytechnic uprising as thousands of police are deployed for march to US embassy

Kulmohen sot festimet treditore në Greqi në 53 vjetorin e kryengritjes studentore të Politeknikumit kundër juntës ushtarake. [...] Read More...…

8 minutes ago

Oh, my soul, oh son / Body of Vlora Crime Chief arrives at Fier Police Directorate as family and colleagues pay tearful tribute

Trupi i pajetë i Ermal Lulajt, shefit të Krimeve të Vlorës, ka mbërritur në ambientet e Drejtorisë Vendore të Policisë…

8 minutes ago