Përse Chelsea refuzoi ofertën e Wolves për transferimin e Armando Brojës

Oferta e parë e Wolves për të nënshkruar me Armando Brojën u refuzua nga Chelsea dhe tani Mauricio Pochettino ka diskutuar për planet e tyre për këtë afat kalimtar.

“Blutë e Londrës” do të lejojnë largimin e Brojës në formë huazimi vetëm në rast se në fund ekipi i Wolves pajtohet që të paguajë klauzolën e tij të lirimit, pasi Chelsea dëshiron me çdo kusht të përfitojë para nga sulmuesi shqiptar.

Sipas Evening Standard, Wolves nuk e kishte përfshirë opsionin e blerjes së kartonit dhe për këtë arsye Chelsea e ka refuzuar ofertën e tyre. Arsyeja pse Wolves e bëri këtë, është për shkak se nuk janë të sigurtë nëse Broja do të arrijë të shfaq potencialin e vet në “Molineux”.

Pas një periudhe të gjatë jashtë fushave prej 10 muajsh shkaku i

Teksa Pochettino nuk ofroi një përditësim rreth situatës së Brojës, ai dha një përgjigje sa i përket planeve të klubit për afatin kalimtar të janarit.

“Nuk kam asgjë për të thënë (për Brojën). Gjithçka është e qetë dhe ne jemi shumë të relaksuar këtu”, ka thënë Pochettino.

Në fund të fundit, Chelsea do të përpiqet të gjejë zëvendësuesin e Brojës, por mund të zgjedhin të presin deri gjatë verës për të parë opsionet në treg, teksa emra si Victor Osimhen dhe Ivan Toney thuhet se do të jenë në dispozicion./Telegrafi/