Paul Pogba është sërish i lirë të luajë futboll pas përfundimit të pezullimit të tij, i cili u reduktua kohët e fundit.
Francezi ka pasur leje të stërvitet që nga janari dhe të luajë që nga marsi, por deri më tani asnjë klub nuk ka ndërmarrë hap konkret për të nënshkruar me të.
Mesfushori ka shprehur dëshirën për t’u rikthyer në elitën e futbollit dhe është i vendosur të ringjallë karrierën e tij, që ka qenë në rënie të lirë që nga kthimi te Juventus.
Olympique de Marseille ka qenë një nga klubet më të përfolura për të siguruar shërbimet e Pogbas. Lojtari nuk e ka fshehur interesin për t’u rikthyer në Ligue 1, por transferimi në “Velodrome” tashmë duket i pamundur.
Sipas Foot Mercato, marrëveshja me Marseille ka dështuar për shkak të kërkesave të larta financiare të Pogbas, të cilat klubi francez nuk është i gatshëm t’i përmbushë në këtë moment.
Megjithatë, një alternativë e re ka dalë në horizont. Pogba i është ofruar klubit tjetër të Ligue 1, Monaco, i cili është aktivisht i përfshirë në tregun e lojtarëve të lirë.
Monaco është duke shqyrtuar këtë mundësi, por ende nuk ka dhënë një përgjigje konkrete. Klubi nga Principata tashmë ka afruar Eric Dier si transferim të lirë dhe ka në radar edhe mbrojtësin Sergio Reguilon.
Nëse Monaco vendos të bëjë lëvizje për Pogban, ai do të kishte një mundësi të artë për të rigjetur formën në një ambient më të qetë dhe ambicioz, larg presionit të madh që e shoqëroi te klubet e mëdha si Manchester United dhe Juventus.
Kryetari i Partisë Mundësia, Agron Shehaj ka folur për hetimet dhe masat e dhëna nga SPAK në lidhje me abuzimet…
Këgëtarja Aurela Gaçe ka folur pa dorashka për karrierën e saj të gjatë dhe të sukseshme muzikore. E ftuar në…
Aktori britanik Callum Turner ka surprizuar me deklaratën e tij më të fundit, duke zbuluar se po rishikon me kujdes…
Kremlini tha të martën se pjesëmarrja evropiane në negociatat e vazhdueshme mbi planin e paqes të SHBA-së për Ukrainën nuk…
Ministrja në detyrë e Industrisë, Ndërmarrësisë dhe Tregtisë, Rozeta Hajdari, tha se ka vendosur marzhë tregtare për produktet e naftës…
Një zhvillim i fortë juridik ka shoqëruar çështjen e bujshme të operacionit policor “Metalurgjiku” në Elbasan. Pas një seance maratonë…