Dinamo ka mbyllur bashkëpunimin me Andre Teixeira. Mbrojtësi brazilian e bëri vetë publik largimin nga skuadra e kryeqytetit përmes një postimi në rrjetet sociale, duke konfirmuar fundin e aventurës së tij me “blutë”.
None found
“Dua të shpreh mirënjohjen time më të sinqertë ndaj presidentit Adrian Bardhi për besimin dhe mbështetjen e tij gjatë gjithë këtij udhëtimi.
Të gjithë lojtarëve, trajnerëve, pjesës tjetër të stafit teknik dhe të gjithë atyre që janë pjesë e jetës së përditshme të klubit, faleminderit për momentet që ndamë. Faleminderit gjithashtu tifozëve që ishin pranë nesh dhe për mbështetjen që më dhatë.
Marrë me vete kujtimin e një viti të jashtëzakonshëm, të shënuar nga puna e palodhur dhe fitimi i dy trofeve, një arritje që do të mbetet përgjithmonë në karrierën time dhe në historinë e klubit.
I uroj Dinamo City shumë lumturi dhe suksese në të ardhmen. Jam i sigurt se ky klub do të vazhdojë të rritet dhe të arrijë gjëra të mëdha.
Faleminderit për gjithçka. Ishte një nder të isha pjesë e kësaj familjeje. Faleminderit”, ka shkruar Teixeira.
32-vjeçari iu bashkua Dinamos në verën e vitit 2025 dhe gjatë qëndrimit te kryeqytetasit fitoi Kupën e Shqipërisë dhe Superkupën e Shqipërisë.
Për “blutë” dhe trajnerin Ilir Daja, ky largim që vjen vetëm pak ditë përpara ndeshjes ndaj Astanës në Conference League nuk përbën aspak një sinjal pozitiv, pasi alternativat në repartin e mbrojtjes tashmë ngushtohen.
Teksa në Tiranë vijojnë protestat kundër qeverisë, kryeministri Edi Rama, ka zhvilluar një bisedë me një grup të rinjsh në…
Në Maqedoninë e Veriut kemi rënie të numrit të udhëtarëve që e shfrytëzojnë autobusin. Në tremujorin e tretë të këtij…
Ilir Daja, ekipi i Dinamos dhe Adrian BardhiSituata te Dinamo ka marrë trajtën e një “ekuacioni me shumë të panjohura”…
Pjesëtarë të Policisë së Kosovës janë vendosur pranë shtëpisë së ish-kryetarit të Kuvendit, Jakup Krasniqi, në lagjen Velania të Prishtinës,…
Francisco Moura shënoi një autogol të çuditshëm në një ndeshje të Kupës së Portugalisë kundër Paredes të nivelit të tretë,…
Ndonëse shoqëritë e tregtimit me shumicë e pakicë të hidrokarbureve mbizotërojnë në listën e më të mëdhave sipas të ardhurave,…