Piers Morgan, gazetari dhe tifoz i njohur i Arsenalit, ka shprehur pakënaqësi të thellë ndaj mënyrës si Mikel Arteta po sillet me një nga futbollistët më të rëndësishëm të skuadrës, duke theksuar se ai po përjeton një ndjesi “mosrespektimi”.
None found
Topçinjtë e kanë filluar mbrojtjen e kurorës në Premier League në formë ideale, duke regjistruar tri suksese në po aq takime, përfshirë fitoren ndaj rivalëve të qytetit, Chelsea.
Megjithatë, jo të gjithë anëtarët e ekipit po e shijojnë këtë start pozitiv. Morgan është i bindur se Viktor Gyokeres është i pakënaqur me trajtimin që po merr.
Sulmuesi suedez kaloi te Arsenali verën e shkuar me shumë zhurmë, në një operacion që i kushtoi klubit rreth 70 milionë euro nga Sporting-u portugez.
Në debutimin e tij në kampionatin anglez, ai gjeti rrjetën 14 herë, një shifër mjaft e respektueshme, por duket se ka rënë nga preferencat e trajnerit në nisjen e edicionit 2026/27.
Sulmuesi 28-vjeçar u aktivizua për herë të parë këtë stinor vetëm në minutat e fundit përballë Chelsea-it, pasi nuk kishte zbritur fare në fushë në dy sfidat e para të Arsenalit.
Sipas Morgan, kjo mungesë minutash është një lëvizje e paramenduar e Artetës, një taktikë për të shtyrë një marrëveshje këmbimi me objektivin kryesor të merkatos, Julian Alvarez të Atletico Madridit, situatë që ka irrituar Gyokeresin.
“Viktor Gyokeres pothuajse nuk është përfshirë që nga fillimi i sezonit dhe më kanë konfirmuar se kjo lënie në stol ishte e qëllimshme”, deklaroi Morgan në Sports Uncensored.
“Arsenali tentoi ta përfshinte në një shkëmbim për Julian Alvarez, por në fund transferimi dështoi”.
Ai shtoi se lojtari është i zemëruar nga kjo sjellje dhe ka ndjesinë e një mungese të plotë respekti.
Gjatë gjithë verës, emri i Alvarez, ish-sulmues i Manchester Cityt, qarkulloi vazhdimisht pranë Arsenalit, teksa vetë argjentinasi dukej se po kërkonte kalimin te Barcelona.
Megjithatë, Alvarez qëndroi në kryeqytetin spanjoll dhe Arsenali u detyrua të mbështetej te Kai Havertz, i cili ka qenë zgjedhja e parë në sulm në tri takimet e para të Premier League.
Pesëmbëdhjetë minatorë kanë dalë nga miniera pas disa orësh të vështira të kaluara të ngujuar në thellësi, duke sjellë lehtësim…
Me lot në sy dhe i shqetësuar për fatin e djalit të tij, një baba po pret me ankth jashtë…
Ka folur njëri prej 63 minatorëve që kanë mbetur të ngujuar sonte në horizontin e 11-të të minierës së Trepçës.…
Rreth 20 minatorë të Trepçës kanë arritur të dalin nga miniera, ndërsa mbi 40 të tjerë vazhdojnë të mbeten të…
Ka filluar dalja e minatorëve nga miniera e Trepçës pas ngujimit të tyre nën tokë. Njëri nga minatorët që sapo…
Grupi i parë i minatorëve ka nisur të dalë nga miniera, katër prej tyre përmes shkallëve emergjente, ndërsa energjia elektrike…