Një javë pas eliminimit nga Botërori, Neymar “kryqëzohet” nga Brazili, veprimi që zemëroi mbarë kombin

E gjithë bota po flet për Nemajarin dhe sjelljen e tij pas eliminimit nga Botërori i Katarit.

Në çerekfinale Brazili u mposht nga kombëtarja kroate dhe shtatë ditë pas ngjarjes, ylli më i madh i “selecao” vendosi të organizojë një festë.

Edhe pse ai u përpoq të mbante gjithçka të fshehtë, sigurisht që nuk ndodhi. Me këtë veprim Neymar zemëroi brazilianët të cilët e dënojnë ashpër.

Në festë ishte edhe bashkëlojtari i Neymar nga kombëtarja dhe lojtari i Manchester United, Antonio, si dhe disa personazhe publike braziliane. Festa u organizua në shtëpinë e motrës së Neymar.

Në rrjetet sociale kanë nisur menjëherë me dënime si: “Ky djalë nuk është për kombëtaren. Shikoni se si luan ai për ekipet e tij dhe krahasojeni me paraqitjet e tij në kombëtare. E patë si luajti Messi, ai nuk u rrëzua dhe qau por ishte më i miri në fushë? Ndërsa nga ana tjetër kishte nga ata që e mbrojtën:

– Ai është i ri, i pasur dhe ka shumë arsye për të qenë i lumtur. Asgjë më mirë se argëtimi i mirë për të përmirësuar gjendjen tuaj mendore.

Neymar, si dhe Federata e Futbollit të Brazilit, ende nuk kanë bërë një njoftim me këtë rast./albeu.com/