Një fitore, 10 gola të pësuar në 5 ndeshje, Hygerta Sako i përgjigjet në mënyrë epike trajnerit të Partizanit

Partizani vijon të përjetojë një moment tejet të vështirë. “Demat e Kuq” u mposhtën edhe në transfertën ndaj Egnatias në Rrogozhinë, ku vendasit triumfuan me rezultatin 2–1.

Pas pesë javëve të para të këtij sezoni në Abissnet Superiore, skuadra kryeqytetase ka siguruar vetëm 4 pikë. Partizani renditet në vendin e 7-të, ndërsa deri tani ka pësuar 10 gola.

Pas përfundimit të ndeshjes, trajneri Florin Bratu u shpreh optimist se situata do të përmirësohet dhe kërkoi kohë për të punuar me ekipin. Përgjigjja e moderatores Hygerta Sako ndaj tij solli një moment pikant.

Florin Bratu: “Do të na duhet edhe pak kohë. Unë kam mjaft besim te lojtarët e mi. Ndoshta në disa ndeshje ne bëjmë mirë, ndërsa në disa të tjera nuk arrijmë të bëjmë atë që duhet apo atë që punojmë gjatë stërvitjes. Mendoj që me kalimin e kohës do të jemi aty ku duhet”.

Hygerta Sako: “Shpresojmë, para se të mbarojë kampionati”.