sport

Nëntori kuqezi, ja kalendari i Shqipërisë së futbollit

Nëntori është pa dyshim një nga muajt më të rëndësishëm të vitit për futbollin kuqezi. Në fushë zbresin thuajse të gjitha ekipet kombëtare, nga A-ja, tek U-21, U-19 djem e vajza, U-17 djem si edhe përfaqësueset rajonale të moshave.

Kombëtarja shqiptare e drejtuar nga Silvinjo luan dy ndeshjet më të rëndësishme të grupit, ndaj Çekisë e Ukrainës. Dy sfida që në rast fitoreje, kuqezinjtë sigurojnë vendin e parë në grupin B1 dhe ngjiten në Ligën A si edhe luajnë shanset e tyre për në playoff-in e Botërorit 2026.

Të lidhura

None found

Ndaj çekëve e ukrainasve, kuqezinjtë do të luajnë në “Air Albania”, në një stadium që tashmë e ka kthyer në traditë ngjyrosjen kuqezi nga cepi në cep. Më 16 nëntor, Shqipëria luan ndaj Çekisë, në ora 20:45. Në po të njëjtën orë, tre ditë më pas, kuqezinjtë mirëpresin Ukrainën.

Dy miqësore në plan edhe për U-21 e Alban Bushit. Shpresat zbresin në fushë për dy përballje ndaj Moldavisë, më 15 dhe 18 nëntor. Edhe ekipi kombëtar U-17 do të zhvillojë dy ndeshje miqësore ndaj Polonisë, në po të njëjtat data. Takime të rëndësishme për të vënë në provë dhe për të testuar kuqezinjtë e vegjël.

Shqipëria U-19 luan shanset e para të kualifikimit në Europianin 2025. Ekipi i drejtuar nga trajneri Julian Ahmataj do të zhvillojë ndeshjet e raundit të parë ndaj Danimarkës, Izraelit dhe Irlandës së Veriut dhe do të tentojë fillimisht ngjitjen në Elite Round. Ndeshjet do të luhen në Shqipëri në datat 13, 16 dhe 19 nëntor.

Edhe U-19 e vajzave do të zbresë në fushë këtë muaj, në kuadër të ndeshjeve të raundit të parë të Europianit 2025 për vajza. Shqipëria e Luçije Gjinit është pjesë e grupit B1, aty ku janë edhe Mal i Zi, Bjellorusia dhe Moldavi. Ndeshjet do të luhen në vendin tonë në datat 27, 30 nëntor dhe 3 dhjetor. Ndërkaq, ekipi U-17 i vajzave luan ndeshjen e dytë dhe të fundit ndaj Izraelit, e vlefshme për raundin e parë të kualifikueseve të Europianit 2025 për këtë grupmoshë.

Vazhdon projekti “Step by Step” dhe akademia “Elite Youth” si edhe këtë muaj do të organizohet edhe turneu i përfaqësueseve rajonale për djem për 8 rajonet e Shqipërisë.

Tags: kombetarja

të fundit

Deputeti Kraki ngre zërin në Bruksel për standarde të njëjta në rrugën evropiane të Kosovës

Deputeti i Lëvizjes Vetëvendosje, Nezir Kraki, ka kërkuar në Bruksel që Kosova të trajtohet me standarde të barabarta në procesin…

5 minutes ago

Një “mini-hënë” po sillet rreth Tokës – çfarë pritet në dhjetor

Toka ka aktualisht një shoqërues të përkohshëm në hapësirë. Një asteroid i vogël, me diametër rreth dy metra, është kapur…

7 minutes ago

VIDEO/ Gabriel Kulla realizon nga mesi i fushës te Sassuolo, talenti i Shqipërisë shkëlqen sërish

Gabriel KullaGabriel Kulla nuk ka të ndalur [...]Read More...

14 minutes ago

Desire Doue lëndohet rëndë ndaj Nice, largohet me barrelë mes dhimbjesh

Paris Saint-Germaini ka marrë një lajm të keq në ndeshjen si mysafir ndaj Nice, pasi sulmuesi anësor Desire Doue është…

20 minutes ago

Prokuroria e Manastirit ngre aktakuzë për dhunë ndaj partneres

Prokuroria Themelore Publike në Manastir ka ngritur aktakuzë ndaj një personi për lëndim trupor gjatë ushtrimit të dhunës në familje.…

21 minutes ago

Mickoski paralajmëron dimër të vështirë dhe çmime të larta në bursë për energjinë elektrike dhe derivatet

Kryeministri Hristijan Mickoski thotë se bota po përballet me krizën më të madhe energjetike në histori, ndërsa shpreh shqetësimin se…

22 minutes ago