Categories: sport

Nagelsmann pas daljes tronditëse të Gjermanisë nga Kupa e Botës: Jam i gatshëm të vazhdoj

Gjermania i dha fund në mënyrë të papritur rrugëtimit të saj në Kupën e Botës, pasi u mund nga Paraguai me penallti në raundin e 1/8 së finales.

Të lidhura

None found

Koha e rregullt dhe shtesat u mbyllën me rezultatin 1:1, ndërsa nga pika e bardhë paraguajanët dolën fitues me shifrat 4:3. Njeriu më i pafat i mbrëmjes për “Pancerët” ishte Jonathan Tah, që gaboi penalltinë vendimtare në serinë e gjashtë.

Më herët kishin dështuar edhe Kai Havertz dhe Nick Woltemade, megjithatë humbjet e penalltive nga Antonio Sanabria dhe Fabian Balbuena i mbajtën përkohësisht gjermanët në garë.

Në zhvillimin e ndeshjes, Paraguai kaloi i pari në avantazh me Julio Enciso në minutën e 42-të, ndërsa Gjermania reagoi në minutën e 54-të, kur Havertz realizoi golin e tij të tretë në këtë turne për të rikthyer baraspeshën.

Pavarësisht përpjekjeve, skuadra gjermane nuk arriti të shënonte golin e fitores as gjatë kohës së rregullt dhe as në vazhdime.

Rasti më i afërt erdhi në minutën e 102-të, kur Jonathan Tah e dërgoi topin në rrjetë, por VAR-i e anuloi golin për një faull të mëparshëm.

Pas përfundimit të takimit, Nagelsmann shpërtheu ndaj këtij vendimi. “Një skandal i plotë”, u shpreh ai, ndërsa eksperti i arbitrimit i ZDF, Thorsten Kinhöfer, e përshkroi vendimin si “absolutisht të pakuptueshëm”.

Pas këtij eliminimi, Julian Nagelsmann u pyet për vazhdimësinë e tij në krye të kombëtares gjermane.

“Jo, nuk është në duart e mia. Jam gati të vazhdoj nëse ata e duan këtë. Nëse jo, atëherë duhet të ma thonë”, deklaroi ai për MagentaTV.

Më vonë, në një prononcim për ZDF, trajneri pranoi se zhgënjimi ishte i madh, por nënvizoi se mbetet i gatshëm të vazhdojë punën.

Emocionet nuk i fshehu as Kai Havertz pas daljes nga turneu.

“Nuk kam shumë për të thënë, jam pa fjalë. Kjo është Kupa ime e dytë e Botës dhe i kam zhgënjyer njerëzit në të dyja rastet. Turneu i fundit nuk solli asgjë. E vetmja gjë që mund të them është: Më vjen keq. Të gjithë jemi të zhgënjyer. Është një ndjenjë e tmerrshme t’i zhgënjesh të gjithë përsëri”, tha sulmuesi gjerman.

Dalja kundër Paraguait shënon një tjetër goditje të rëndë për Gjermaninë, që edhe kësaj here i jep lamtumirën Kupës së Botës shumë më herët nga sa ishte parashikuar.

të fundit

BIRN: Revolta e të rinjve, protestojnë kundër korrupsionit, pabarazisë e papunësisë!

Revoltat politike shpesh vijnë me valë. Ashtu si ideologjitë dhe besimet fetare, ato mund të përhapen nga një vend në…

3 minutes ago

Haradinaj: Do të jepja një pjesë të jetës sime për Jakup Krasniqin

Daut Haradinaj nga Aleanca ka reaguar lidhur me vizitën e ish-kryetarit të Kuvendit të Kosovës dhe ish-zëdhënësit të Ushtrisë Çlirimtare…

19 minutes ago

Mot i vranët dhe riga shiu sot në Kosovë, temperaturat maksimale deri në 16 gradë Celsius

Në Kosovë sot pritet të mbajë mot kryesisht i vranët, me intervale me diell dhe mundësi për reshje të dobëta…

19 minutes ago

Këmbimi valutor, çfarë po ndodh me monedhat e huaja? Ja me sa po blihen dhe shiten dollari dhe euro

Ditën e sotme një dollar amerikan, blihet për 81 lekë dhe shitet për 8217 lekë. Euro, blihet me 89.2 lekë…

24 minutes ago

Fuego rrëfen ndihmën financiare për Mozzikun: “Nuk do t’ia harroj sa të jem gjallë

Fuego tregon se e ndihmoi financiarisht Mozzik: Nuk do t’ia harroj sa të jem gjallë! [...]Read More...

35 minutes ago

Fuego flet për jetën para famës: Vjen nga një familje shumë e mirë, jemi katër vëllezër

Fuego rrëfen jetën para famës: Vij nga një familje shumë e mirë, jemi katër vëllezër [...]Read More...

35 minutes ago