Mourinho kundërshton kritikat pas fitores ndaj Interit: Real Madridi mund të shënonte tetë herë

Jose Mourinho ka reaguar ndaj kritikave pas suksesit 2-1 të Real Madridit kundër Interit, duke deklaruar se skuadra e tij kishte mundësi të realizonte shumë më tepër gola.

Trajneri madrilen e riktheu në vëmendje ndeshjen ndaj italianëve gjatë konferencës për media të së premtes, pasi paraqitja e “Los Blancos” ishte vlerësuar negativisht, pavarësisht fitores.

Një pjesë e tifozëve të Realit nuk mbetën të kënaqur me lojën e ekipit, ndërsa gjatë takimit disa futbollistë u pritën me vërshëllima.

Kritika pati edhe në mediat spanjolle, por Mourinho nuk e ndau të njëjtin mendim për paraqitjen e skuadrës së tij.

“Askush nuk thotë se u mbrojtëm mirë apo se kishim mundësi të shënonim tetë gola”.

“Ndonjëherë zhvillohen ndeshje të mërzitshme, në të cilat skuadrat nuk krijojnë rrezik dhe përfundojnë 0-0. Përballë Interit mund të shënonim katër gola, por edhe tetë. Pse nuk përmendet kjo? A nuk janë të kënaqur që fituam?”.

Portugezi nënvizoi gjithashtu se atmosfera në brendësi të klubit është dukshëm më pozitive sesa perceptimi që krijohet jashtë tij.

“Stafi është shumë i lumtur. Kemi vuajtur dhe kemi humbur së bashku ndaj Betisit. E ndiejmë këtë përkushtim dhe dëshirë për të punuar për Madridin. Do të japim maksimumin për t’i gëzuar njerëzit”, ka deklaruar ai.

Ndeshjen e ardhshme Reali do ta luajë të shtunën, kur në “Santiago Bernabeu” do të presë Rayo Vallecanon.