Mourinho beson te talenti holandez, Kluivert qëndron te Roma

Roma e Mourinhos nis të marrë formë, të paktën duke filluar nga konfirmimet. Pas rinovimit të Mkhitaryan për një sezon tjetër, trajneri portugez gjithashtu ka dhënë miratimin e tij në lidhje me një situatë tjetër delikate.

Siç raportohet nga “Sky Sport”, “Special One” do të ishte i kënaqur nëse Justin Kluivert do të qëndronte në Trigoria. Holandezi, në fakt, do të kthehet në Itali pas huazimit te Leipzigu në Gjermani, përvojë e mbyllur me katër gola të shënuar.

Midis lojtarëve që kthehen nga huazimet, holandezi është ai që ka shansin më të madh për të qëndruar. Ndryshe është situata për Cengiz Ünder, i cili është i destinuar të bëjë gati valixhet përsëri, pas përfundimit të huazimit te Leicester City.

Nëse nuk do të ketë ndryshime, Kluivert parashikohet të luftojë me El Shaarawy-n për një vend në anën e majtë në skemën 4-2-3-1 të përqafuar tashmë nga Mourinho.