Milani rihyn në garë për transferimin e Endrickut nga Real Madridi

Milani po mendon të rikthehet në garë për Endrickun gjatë afatit kalimtar të janarit. Sulmuesi brazilian i Real Madridit ishte në planet e klubit italian gjatë verës, kur kuqezinjtë kërkuan ta merrnin në huazim, por Jose Mourinho zgjodhi ta mbante pjesë të skuadrës.

E ardhmja e brazilianit mund të marrë një tjetër drejtim në muajt në vijim. Për shkak të problemeve fizike, Endrick nuk është aktivizuar ende në asnjë ndeshje zyrtare këtë sezon, ndërsa minutat që do të grumbullojë deri në janar pritet të ndikojnë drejtpërdrejt në vendimin për të ardhmen e tij.

Skuadra nga Milano po vlerëson mundësinë e një huazimi me të drejtë blerjeje, pasi e konsideron Endrickun një opsion për repartin e sulmit. Objektivi i Milanit është t’i sigurojë lojtarit më shumë hapësirë dhe mundësi për të luajtur rregullisht.

Nëse braziliani vazhdon të mbetet jashtë planeve të Real Madridit, kuqezinjtë pritet të provojnë sërish ta transferojnë në janar. Por një rol më i madh në ekipin e drejtuar nga Mourinho do ta zvogëlonte ndjeshëm mundësinë e largimit të tij.

Për Endrickun kanë shfaqur interes edhe Roma dhe Manchester United. Megjithatë, Real Madridi nuk ka dhënë ndonjë sinjal se synon ta shesë përfundimisht sulmuesin.