Pesë ditë pas përballjes së zhvilluar në Xhedah të Arabisë Saudite mes Anthony Joshuas dhe Krist Prengës, vijojnë diskutimet rreth mënyrës se si u mbyll dueli. Britaniku fitoi që në raundin e dytë, ndërsa përfundimi i shpejtë nxiti reagime të shumta, përfshirë edhe pretendime se ndeshja mund të ishte shitur.
None found
Keith Sullivan, menaxheri i boksierit shqiptar, ka reaguar ndaj këtyre spekulimeve, duke treguar arsyen pse Prenga nuk mundi ta vazhdonte përballjen me të njëjtin ritëm. Sipas tij, shqiptari mbeti pa fuqi pas raundit të parë, pavarësisht fillimit të vrullshëm, gjatë të cilit e rrëzoi dy herë kundërshtarin.
“Që në raundin e parë i ishte konsumuar e gjithë energjia. Përpara raundit të dytë, nga këndi i thamë të vazhdonte në të njëjtën mënyrë, të shtonte presionin, të shkurtonte distancën me xhab (goditje direkte me dorën e parë) dhe ta rrëzonte sapo t’i krijohej mundësia.
Kur u dëgjua zilja e raundit të dytë, Kristiani u çua nga stoli për të rinisur ndeshjen dhe më tha se ndihej sikur ishte kthyer sërish në shtratin ku kishte kaluar 8 ditë përpara duelit. E kishte shumë të vështirë të merrte frymë dhe nuk i kishte mbetur aspak energji”, deklaroi Sullivan.
Përballja mes Joshuas dhe Prengës nuk u karakterizua vetëm nga rivaliteti sportiv, por edhe nga respekti i shfaqur mes dy boksierëve. Në rrjetet sociale bëri veçanërisht jehonë çasti kur britaniku vendosi mbi supe flamurin shqiptar përkrah atij britanik. Joshua gjithashtu shprehu vlerësime për boksierin shqiptar me origjinë nga Mirdita.
Pas përjashtimit nga forumet e Partisë Socialiste, ish-kryetarja e Kuvendit, Elisa Spiropali iu bashkua punimeve të Kuvendit vetëm rreth orës…
Kosova renditet ndër 15 vendet e para në botë për sigurinë dhe rendin, sipas Indeksit të Ligjit dhe Rendit për…
Një incident ka ndodhur në Klinikën për Gjinekologji dhe Obstetrikë në Shkup, ku një foshnje dy ditëshe i është prerë…
Njësia për Luftimin e Korrupsionit pranë Departamentit për Shtypjen e Krimit të Organizuar dhe të rëndë, në Prokurorinë Themelore Publike…
Vazhdojnë ende disktutimet në Kuvend për projektbuxheti e vitit 2027, i cili është bërë objekt diskutimesh dhe kritikash, ku deputetët…
Prindërit e Francesco Gianello, 14-vjeçarit që humbi jetën nga një tumor pasi nuk mori në kohë trajtimin mjekësor, janë dënuar…