Mediat turke japin lajmin e fundit për gjendjen e Vedat Muriqit para sfidës me Rizesporin

Vedat Muriqi pritet të jetë i gatshëm për Fenerbahçen në përballjen e radhës në Superligën e Turqisë ndaj Rizesporit.

Gjatë ndeshjes së Kosovës me Austrinë, të luajtur të dielën në mbrëmje në stadiumin “Fadil Vokrri”, sulmuesi kërkoi të zëvendësohej.

Futbollisti 32-vjeçar la fushën në minutën e 66-të, duke shkaktuar pasiguri rreth gjendjes së tij fizike.

Sipas raportimeve të mediave turke, dëmtimi nuk është serioz dhe Muriqi pritet të jetë në dispozicion të skuadrës për duelin e së shtunës kundër Rizesporit.

“Fanatik” shkruan se Fenerbahçes i janë shtuar mundësitë në repartin ofensiv pas rikthimit të Marco Asensios dhe paraqitjeve të Romelu Lukakut me Belgjikën, ndërsa pjesë e alternativave të ekipit pritet të jetë edhe Muriqi.

Sipas mediumit turk, stafi teknik është kënaqur nga rikthimi i Asensios, ndërsa forma e treguar nga Lukaku me përfaqësuesen belge dhe paraqitjet e mira të Muriqit, i cili u dëmtua gjatë grumbullimit me Kosovën, kanë zgjeruar opsionet e Fenerbahçes, veçanërisht në sulm.

Muriqi po zhvillon një sezon të shkëlqyer me fanellën e klubit turk.

Sulmuesi kosovar ka shënuar gjashtë gola në gjashtë ndeshje dhe është ndër futbollistët më të rëndësishëm të Fenerbahçes në fazën e parë të sezonit.