Marrëdhënia e tij me Zhang? Conte nuk preferon të përgjigjet

Trajneri i Interit, Antonio Conte ka dalë në konferencë për shtyp në prag ndeshjen me Hellas Verona.

Italiani është shprehur i kënaqur me ecurinë e “zikaltërve” në Serie A.

“Ne jemi me fat që nuk duhet të shqetësohemi se kush qëndron prapa dhe të jemi në gjendje të shohim ekskluzivisht rrugën tonë. Ne duhet ta meritojmë fitoren dhe pastaj të marrim pikët e plota, ndeshje pas ndeshje”, është shprehur ai.

“Sezoni ynë? Ne kemi treguar seriozitet të madh, profesionalizëm dhe përkushtim ndaj fanellës. Skuadra është duke luajtur mirë, ne mund të jemi në gjendje të përfundojmë diçka të bukur, e cila vetëm dy vjet më parë dukej e pamundur të imagjinohej”.

VERONA

“Kemi një ndeshje shumë të vështirë përpara, Gialloblù luan shumë mirë. Ata vijnë nga një seri rezultatesh negative, por shpesh ata meritonin të merrnin pikë.

“Juriç? Ai është një trajner shumë i mirë, lojtarët e tij gjithmonë përmirësohen dhe kjo është arsyeja pse Ivan u jep pasuri klubeve ku ai stërvitet”.

“Marrëdhënia ime me Zhang? Nuk më pëlqen të përgjigjem, dua të përqendrohem te loja. Ne dalim në fushë për të luajtur për një punë që kemi kryer për dy vjet “.”

Scudetto? Derisa të kem diçka në dorë, nuk flas. Së bashku me ekipin kemi nisur një rrugë të bukur dhe të rëndësishme, nëse fitojmë diçka, atëherë mund të flasim për të. Tani duhet të qëndrojmë të përqendruar, Unë dua që ekipi të jetë po aq i përqendruar sa unë”.