Marotta: Duam të arrijmë në finalen e Champions

“Napoli është favorit për titullin, ata mund të vazhdojnë kështu deri në fund”. Këto janë disa nga deklaratat e bëra nga Beppe Marotta, president dhe CEO i Interit.

Menaxheri i njohur është ndalur edhe te data e rikuperimit të ndeshjes Fiorentina-Inter pas problemeve shëndetësore të Bove.

“Sot lojtarët janë nën një stres shumë të fortë konkurrues, sepse duke pasur parasysh edhe kombëtaret, ka shumë ndeshje. Unë jam pro një kampionati me 18 ekipe në Serie A: ne luftojmë për të rikuperuar ndeshjet”.

Më pas për sezonin e zikaltërve:

“Kemi një udhërrëfyes të kënaqshëm, në kampionat dhe Ligën e Kampionëve po bëjmë mirë. Tani do të hyjnë në lojë Kupa dhe Superkupa e Italisë, duhet të përballemi me të gjitha angazhimet që kemi në mënyrën më të mirë të mundshme duke u përpjekur për të marrë maksimumin”, vazhdoi Marotta

“Liga e Kampioneve? Në ADN-në e një klubi të madh ekziston gjithmonë dëshira për të aspiruar qëllime të mëdha, pak nga pak ne jemi ngjitur përsëri. Është e qartë se ne po përpiqeshim të dilnim në një finale duke u përpjekur ta fitonim atë, nuk ia dolëm, por fituam përvojë të madhe. Nuk e mohoj që duam ta përjetojmë Ligën e Kampionëve si një fenomen që mund të na çojë në krye, me respekt për kundërshtarët, por me vetëdije për aftësitë tona”.