Maran pas fitores 2–1 ndaj San Marinos: Paraqitja nuk më bindi, Muçi u zëvendësua për shkak të problemeve fizike

Pas triumfit 2–1 të Shqipërisë ndaj San Marinos në ndeshjen e Ligës së Kombeve, trajneri Rolando Maran komentoi para mediave paraqitjen e kuqezinjve.

“Nuk më pëlqeu mënyra si u paraqit skuadra, por mbi të gjitha rëndësi ka që morëm 3 pikët. Në pjesën e dytë ritmi ra, ndërsa në 45 minutat e para patëm mundësi të shënonim më shumë gola.

Është diçka që mund të ndodhë kundër ekipeve të tilla, pasi krijohet përshtypja se rezultati është siguruar dhe ritmi ulet. Në pjesën e parë krijuam shumë raste dhe provuam disa goditje, por nuk arritëm t’i finalizonim. Përqendrimi ynë ra.

Për Dakun vendosëm të prisnim pak përpara se ta aktivizonim. Me rritjen e ritmit u krijuan më shumë hapësira dhe për këtë arsye kërkuam momentin e përshtatshëm për ta futur në lojë.

Muçi nuk ishte në gjendje ta përfundonte ndeshjen, pasi kishte probleme fizike. Gjithsesi, nuk duhet të harrojmë se nëse do të kishim fituar në Finlandë, do t’i kishim mbyllur llogaritë në grup”, deklaroi Maran.