Manchester Unitedit i kërkohet të paguaj 60 milionë euro për mbrojtësin francez

Manchester United është duke kërkuar me ngulm transferimin e një mbrojtësi, pasi reparti defensivë është pika e dobët e skuadrës së Erik Ten Hag.

Djajtë e Kuq kanë pasur probleme të mëdha në mbrojtje dhe trajneri Erik Ten Hag ka kërkuar nga drejtuesit e klubit afrimin e një mbrojtësi qendror.

Qendërmbrojtësi francez Jean-Clair Todibo është në listën e dëshirave të United dhe tanimë klubi anglez ka kontaktuar Nicen.

Megjithatë për të transferuar reprezentuesin francez në Old Traford, Unitedit i është kërkuar nga Nice të paguaj shumën e 60 milionë eurove.

24-vjeçari është i gatshëm të bëj hapin e madh në karrierë për tu transferuar në Ligën Premier dhe po pret dy klubet që të gjejnë marrëveshje.

Në rast se United paguan 60 milionë euro për Todibon, atëherë nga ky transferim do të fitoj edhe gjiganti katalunas Barcelona.

Blaugranat kanë mbajtur 20 për qind të kartonit të lojtarit dhe nëse transferimi i tij kushton 60 milionë euro, atëherë 12 do të shkojnë në arkat e Barcelonës. /Telegrafi/