Manchester United në alarm, Benjamin Sesko mund të qëndrojë jashtë fushave për muaj të tërë

Manchester United druhet se Benjamin Sesko mund të mos luajë për deri në katër muaj, duke e lënë sulmuesin jashtë deri në shkurt, raportojnë mediat angleze.

Futbollisti 23-vjeçar nuk ka qenë në dispozicion prej pesë javësh, për shkak të një shqetësimi fizik që e kishte munduar edhe gjatë gjashtë muajve të mëparshëm.

Klubi po zhvillon ekzaminime të tjera mjekësore në qendrën stërvitore Carrington. Sipas raportimeve në mediat angleze, megjithatë, periudha e mungesës mund të jetë më e shkurtër nga sa parashikohet.

Michael Carrick tha se United shpreson të marrë një pasqyrë më të qartë për gjendjen e sulmuesit brenda ditëve të ardhshme.

“Shpresoj që kur të flasim sërish, ndoshta jo nesër, por deri në fund të javës, të dimë diçka më të qartë”, u shpreh Carrick.

Nëse Sesko mungon për një kohë të gjatë, Manchester United mund të detyrohet të kërkojë një sulmues gjatë merkatos së janarit. Ndërkohë, Joshua Zirkzee po e ka të vështirë të fitojë minuta të rregullta në fushë.

Sesko realizoi 12 gola në sezonin e tij të parë me Manchester Unitedin, pasi u transferua nga RB Leipzig.

Një mungesë deri në shkurt, nëse konfirmohet, do të përbënte një goditje të rëndësishme për planet e Unitedit për pjesën e mbetur të sezonit.