Manchester City dënohet me 140 mijë euro gjobë për veprimin e Erling Haaland kundër gjyqtarit

Manchester City është goditur me gjobë nga Federata e Futbollit (FA) për shkak të sjelljes së lojtarëve të tyre në fund të barazimit 3-3 me Tottenhamin.

CFARE NDODHI?
Lojtarët e Cityt reaguan me zemërim ndaj gjyqtarit Simon Hooper pasi ai i fryu bilbilit për t’i dhënë skuadrës së Pep Guardiolës një goditje dënimi, pavarësisht se fillimisht luajti avantazhin. Vendimi ndaloi një mundësi të mundshme gol për City-n pikërisht në fund të lojës, pasi Haaland sapo kishte luajtur topin përpara për Jack Grealish.

ÇFARË THA Federata E Futbollit (FA)
Haaland i bërtiti arbitrit ndërsa vendimi zemëroi kampionët në fuqi, të cilët u akuzuan nga FA pas incidentit dhe u gjobitën të hënën. Në një deklaratë nga organi drejtues thuhej: “Manchester City FC është gjobitur me 140,000 euro pasi lojtarët e tyre rrethuan një zyrtar të ndeshjes në ndeshjen e Premier League kundër Tottenham Hotspur FC të dielën më 3 dhjetor. Manchester City FC pranoi se ata nuk arritën të sigurojnë lojtarët e tyre të mos sillen në mënyrë të pahijshme gjatë minutës së 94. Komisioni i pavarur Rregullativ e ka vendosur këtë sanksion pas seancës dëgjimore”.

Trajneri i City-t, Guardiola mbrojti lojtarët e tij nga kritikat pas reagimit të tyre ndaj thirrjes së Hooper. Menaxheri këmbënguli se skuadra e tij “është sjellë në mënyrë të jashtëzakonshme këtë sezon”, por tha se ata do të pranonin cilindo vendim që FA të merrte për incidentin.