Në këtë fushë të vogël në banesën e babait në Malësinë e Madhe Armando Broja tregoi dashurinë për futbollin që në moshë të hershme. Kjo portë qëndron prej më shumë se 10 vitesh në këtë oborr ku ylli i kombëtares shqiptare shënoi golat e parë në fëmijërinë e tij.
Edhe pse lindi në Angli, Armando thuajse çdo vit ka ardhur në fshatin e babait në Kamicë duke takuar kushërinjtë e bashkëfshatarët. Festim Broja dhe Sokol Broja janë dy kushërinj të tij dhe një bashkëfshatar Idriz Kurtulaj që tregojnë marrëdhëniet e mira me familjen e Armandos, heroi që i dha Shqipërisë fitoren me Hungarinë dhe se si për arsye ekonomike emigruan prej mëse 20 vitesh.
None found
Festim Broja disa herë ka shkuar në Angli duke u takuar me Armando dhe familjen e tij ndërsa kanë ndarë shumë momente sëbashku duke ruajtur afrimitetin mes kushërinjsh.
Festimi thotë se prej 10 vitesh talenti i kombëtares shqiptare stërvitet intesivisht me sportin e futbollit dhe rrëfen se si nëna e tij Blerina ka sakrifikuar duke shoqëruar kudo në stërvitje e ndeshje djalin e saj Armandon.
Golin e shënuar ndaj Hungarisë dhe fitoren që Broja i dha kombëtares kuqezi e përjetuan me një emocion të madh.
Ahmet Musiqaj, nip në fshatin e Kamicës tregon një fakt interesant se si babai i Armandos, Xhevahir Broja ka investuar para për të rikonstruktuar varrezat e gjithë fshatit Kamicë.
Në fshatin Kamicë nga ku rrjedh sulmuesi kuqezi Broja krenaria për suksesin e Armandos është e pafundme.
Armando Broja nuk ka nevojë për ftesë që të rikthehet në fshatin e tij në Kamicë ashtu siç ka bërë gjithmonë në fëmijëri dhe gjatë adoleshencës. Të gjithë në fshat janë të sigurtë se nuk do ta harrojë fshatin e familjes së tij.
I gjithë fshati Kamicë por edhe Malësia e Madhe do të jenë tifozë të përjetshëm të Armando Brojës kudo që të jetë ai ndërsa i urojnë sa më shumë suksese në karrierën e tij që sapo ka nisur në nivelet e larta të futbollit. Për malësorët Broja do jetë gjithmonë një hero!/Star Plus tv/
Arjanit Fazlija nuk mund ta kishte imagjinuar një debutim më të mirë me fanellën e Prishtinës. Talenti i ri kosovar…
Zëvendëskryeministri i parë dhe ministri në detyrë i Punëve të Jashtme dhe Diasporës, Glauk Konjufca, ka zhvilluar një takim bilateral…
Pas reagimit të ashpër të VLEN-it ndaj glorifikimit të kriminelit të dënuar të luftës Ratko Mlladiq, drejtori i Agjencisë për…
Zv/kryetari i Komunës së Tetovës, Albi Qamili, ka dalë me një garanci të qartë për banorët e Porojit, Xhepçishtit, Reçicës…
Instituti Kombëtar i Shëndetësisë Publike të Kosovës (IKShPK) ka njoftuar se gjatë javës së fundit janë regjistruar katër raste të…
Kryetari i Partisë Demokratike të Shqipërisë, Sali Berisha, ka uruar Bekim Sejdiun për marrëveshjen për zgjedhjen e tij President i…