Llapi kërkon pikët e para ndaj Dukagjinit, publikohen formacionet zyrtare

Janë bërë të ditura formacionet zyrtare për përballjen mes Llapit dhe Dukagjinit, e cila i takon javës së katërt të Albi Mall Superligës së Kosovës.

Ndeshja zhvillohet në stadiumin “Zahir Pajaziti”, ku Llapi do ta presë Dukagjinin nga Klina, me fillim në orën 16:00.

Skuadra e drejtuar nga Tahir Batatina e ka hapur sezonin në mënyrën më të dobët të mundshme, pasi është mposhtur në të tria ndeshjet e para. Para tifozëve të saj, Llapi synon t’i sigurojë pikët e para në këtë edicion.

Në kampin tjetër, Dukagjini i Armend Dallkut ka regjistruar një fitore dhe dy barazime në tri paraqitjet e para, me synimin që të vazhdojë serinë e rezultateve pozitive.

Të dy trajnerët kanë zgjedhur që ndeshjen ta nisin me formacionet më të mira në dispozicion.

Llapi: Bllaca; Emini, Sorensen, Aliu, Idrizi, Blakçori; Kluskens, Ramadani, Hetemi; Hasani, Ademi;

Dukagjini: Haxhihamza; Bardhoku, Basri, Sinani, Bytyqi; Hugo, Rexhaj; Zulfiji, Pefqeli, Isufi; Stevenson;