sport

Liverpool mund ta nisë ndeshjen e parë të sezonit pa 8 lojtarë

Rreth tetë lojtarë të Liverpool thuhet se mund të humbasin ndeshjen hapëse të klubit në sezonin 2022-23 në Premier League kundër Fulham.

“Reds” do të udhëtojnë në Craven Cottage për të përballuar skuadrën e sapopromovuar të shtunën, më 6 gusht. Megjithatë, ata mund të jenë pa një numër lojtarësh, duke përfshirë disa titullarë, sipas “Liverpool World”.

Të lidhura

None found

Portieri i parë, Alisson Becker është një nga mungesat më të dukshme të mundshme. Braziliani luajti miqësoren e hapjes para-sezonale të skuadrës së tij kundër Manchester United, por që atëherë ka munguar për shkak të një dëmtimi. Zëvendësi i portierit, Caoimhin Kelleher, mori një dëmtim ndërsa ishte në detyrë me kombëtaren në qershor.

Sidoqoftë, Jurgen Klopp i tha faqes zyrtare të Liverpool-it se pret që Alisson të jetë i disponueshëm për përballjen e tyre kundër Fulhamit. Tekniku gjerman deklaroi gjithashtu se Kelleher mund të ketë nevojë për dy deri në tre javë për t’u bërë plotësisht në formë.

Sulmuesi portugez Diogo Jota është gjithashtu jashtë fushës për shkak të një dëmtimi muskulor dhe nuk mori pjesë në kampin stërvitor të “Reds” në Austri. Naby Keita (i sëmurë) dhe Curtis Jones (dëmtim i paspecifikuar) nuk luajtën në ndeshjen e tyre të FA Community Shield kundër Manchester Cityt. Dyshja mund të mungojë edhe në përballjen ndaj Fulhamit.

Një tjetër nga mesfushorët e tyre, Alex Oxlade-Chamberlain, pësoi një dëmtim të kofshës gjatë fitores së tyre 2-0 kundër Crystal Palace në parasezon. Klopp konfirmoi se dëmtimi i anglezit ishte ‘serioz’ (në 90 minuta) dhe ai duket i sigurt se do të humbasë ndeshjen e tyre të parë në Premier League.

Kostas Tsimikas thuhet se mori një dëmtim gjatë turneut të Liverpoolit në Austri. Së fundmi, Ibrahima Konate u çalë gjatë ndeshjes së tyre të fundit para-sezonale kundër RC Strasburgut. Për fat të mirë, Klopp i tha faqes zyrtare të klubit se nuk dukej ‘shumë shqetësues’./ h.ll/albeu.com

të fundit

Pushimet për hidratim po kthehen në burim gjigant të ardhurash për televizionet: mbi 250 milionë dollarë nga reklamat

Një nga risitë më të mëdha të Kupës së Botës 2026 ka qenë futja e pushimeve për hidratim. FIFA vendosi…

57 minutes ago

VAR-i i mohon Kolumbisë fitoren ndaj Portugalisë, goli i Sanchezit u anulua për disa centimetra jashtë loje

Kolumbia ishte shumë pranë ta mbyllte fazën e grupeve me fitore ndaj Portugalisë, por një vendim i teknologjisë VAR i…

1 hour ago

DR Kongo bën kthesën ndaj Uzbekistanit dhe arrin për herë të parë fazën eliminatore

Republika Demokratike e Kongos ka shkruar historinë në Kupën e Botës 2026, duke siguruar për herë të parë kualifikimin në…

2 hours ago

Kolumbia kryeson grupin, Portugalia avancon e dyta dhe mëson rivalin për 1/16 e finales

Kolumbia dhe Portugalia kanë barazuar pa gola (0-0) në ndeshjen e fundit të Grupit, rezultat që u mjaftoi të dyja…

2 hours ago

Harry Kane vendos rekord të ri, bëhet realizuesi më i mirë i Anglisë në historinë e Kupave të Botës

Harry Kane ka hyrë në historinë e futbollit anglez, duke u bërë golashënuesi më i mirë i Anglisë në historinë…

3 hours ago

Formacionet zyrtare të Jordani – Argjentinë: Scaloni pushon Messin dhe emrat kryesorë

Janë publikuar formacionet zyrtare për përballjen mes Jordanisë dhe Argjentinës në raundin e tretë të fazës së grupeve të Kupës…

3 hours ago