Categories: sport

Lëvizje e papritur në janar? Mbrojtësi i Manchester Cityt i gatshëm për Manchester Unitedin

Rayan Ait-Nouri nuk e përjashton mundësinë e transferimit te Manchester Unitedi gjatë afatit kalimtar të janarit, edhe pse dy klubet e Manchesterit kanë një rivalitet të theksuar. Në të njëjtën kohë, Manchester City e ka vendosur shumën që kërkon për mbrojtësin algjerian, raportojnë mediat angleze.

Ait-Nouri iu bashkua Manchester Cityt nga Wolvesi në verën e vitit 2025, por gjatë sezonit të kaluar ai pati vetëm 17 paraqitje në Ligën Premier nën urdhrat e Pep Guardiolës. Situata e tij nuk ka ndryshuar shumë as pas emërimit të Enzo Marescas si trajner i skuadrës.

Të lidhura

None found

Në krahun e majtë të mbrojtjes, tekniku i Cityt ka preferuar Nico O’Reillyn dhe Josko Gvardiolin, ndërsa Ait-Nouri ka luajtur vetëm 168 minuta në të gjitha garat. Për këtë arsye, një largim i mundshëm gjatë janarit mbetet në tavolinë.

25-vjeçari u paraqit për herë të katërt këtë sezon të mërkurën mbrëma, kur hyri në lojë pas pushimit, duke zëvendësuar Ayyoub Bouaddin. Manchester City kaloi në çerekfinale të Carabao Cup pas fitores 4-3 në ekzekutimin e penalltive.

E ardhmja e mbrojtësit te “Etihad Stadium” vazhdon të jetë e paqartë. Sipas TEAMtalk, drejtori sportiv i klubit, Hugo Viana, synon ta përcaktojë të ardhmen e tij përpara nisjes së afatit kalimtar të janarit.

Manchester Unitedi po ndjek nga afër situatën, pasi klubi kishte tentuar më herët, por pa sukses, ta siguronte Ait-Nourin në formë huazimi gjatë ditës së fundit të afatit kalimtar.

Pas lëndimit të Luke Shaw, “Djajtë e Kuq” kanë nevojë për një mbrojtës të majtë. Sipas raportimeve, Ait-Nouri është i hapur për t’iu bashkuar rivalit të madh të Manchester Cityt, ndërsa nuk ka marrë pjesë në asnjërën nga tetë ndeshjet e para të Unitedit në Ligën Premier.

Futbollisti algjerian ka zhvilluar 33 ndeshje me kombëtaren dhe ka kontratë me Manchester Cityn deri në qershor të vitit 2030. Për kartonin e tij, pritet të kërkohen rreth 35 milionë euro.

Megjithatë, City është i gatshëm ta dërgojë atë në huazim deri në përfundim të sezonit. Një zgjidhje e tillë do t’u mundësonte klubeve e interesuara ta merrnin lojtarin pa kryer menjëherë një transferim të përhershëm.

të fundit

63 vjet nga atentati ndaj John F. Kennedy-t, tragjedia që tronditi Shtetet e Bashkuara dhe misteret ende të pazgjidhura

Më 22 nëntor 1963, Shtetet e Bashkuara dhe e gjithë bota u tronditën nga lajmi për vrasjen e presidentit amerikan…

1 minute ago

Asist i Zhegrovës në triumfin e thellë të Juventusit ndaj Venezies

Sulmuesi i Kosovës, Edon Zhegrova, për herë të parë që nga transferimi te Juventusi, e ka kompletuar një ndeshje të…

6 minutes ago

Drita – Feronikeli 74: Publikohen formacionet zyrtare, Nuhiu dhe Berisha zgjedhin 11-she sulmuese

Drita do ta presë Feronikelin 74 në një përballje ku gjilanasit synojnë t’i rikthehen fitoreve në duelet e ndërsjella, pas…

6 minutes ago

Hykmete Bajrami i kërkon ZRRE-së sqarim publik për licencën e EFT-së së Vuk Hamoviqit

Deputetja e Lidhjes Demokratike të Kosovës, Hykmete Bajrami, i ka drejtuar një pyetje publike Zyrës së Rregullatorit për Energji (ZRRE),…

9 minutes ago

Ministrat e Shëndetësisë së Kosovës dhe Shqipërisë zhvillojnë një vizitë në Spitalin e Gjakovës

Ministri i Shëndetësisë i Kosovës, Arben Vitia, së bashku me ministren e Shëndetësisë së Shqipërisë, Klodiana Spahiu, kanë vizituar Spitalin…

10 minutes ago

Prokuroria mbyll hetimet, Xhensila Myrtezaj del para gjyqit për fshehje të ardhurash

Prokuroria e Tiranës ka përfunduar hetimet dhe ka dërguar për gjykim këngëtaren Xhensila Myrtezaj, e cila akuzohet për veprën penale…

16 minutes ago