Laçi-Vllaznia dhe Elbasani-Egnatia, dy përballjet që përmbyllin javën e katërt të Superiores

Java e katërt e “Abissnet Superiore” do të mbyllet sot me dy ndeshje, ku e para do të zhvillohet në orën 16:00 dhe do të përballë Laçin me Vllazninë.

Skuadrat kërkojnë rikthimin te rezultatet pozitive, pasi në javën e kaluar pësuan humbje. Laçi u mposht 1-3 nga Teuta, ndërsa Vllaznia u mund 2-3 nga Partizani.

Takimi i dytë i ditës do të luhet në orën 18:30 në stadiumin “Elbasan Arena”, aty ku Elbasani do të presë Egnatian.

Elbasani synon të regjistrojë fitoren e parë në kampionat, pas dy barazimeve dhe humbjes së pësuar ndaj Dinamos javën e kaluar. Në krahun tjetër, Egnatia do të kërkojë të ruajë ritmin pozitiv dhe të marrë një tjetër fitore, pas suksesit të javës së kaluar kundër Skënderbuet.