Projektligji për ratifikimin e marrëveshjes së Kosovës me Agjencinë Franceze për Zhvillim u miratua nga Kuvendi me 95 vota pro, pa asnjë votë kundër dhe pa abstenime. Marrëveshja mundëson një kredi prej 60 milionë eurosh për rikonstruksionin dhe zgjerimin e kampusit të studentëve të Universitetit të Prishtinës, në kuadër të përgatitjeve për Lojërat Mesdhetare “Prishtina 2030”.
None found
Gjatë paraqitjes së marrëveshjes para deputetëve, ministri në detyrë i Financave, Hekuran Murati, shpjegoi destinacionin e fondeve dhe objektivat e projektit.
Sipas tij, ndërhyrjet do të përfshijnë rinovimin dhe zgjerimin e hapësirave të kampusit universitar, përfshirë zonën e konvikteve, si dhe rikonstruksionin ose ndërtimin e objekteve sportive në institucione të ndryshme arsimore pranë tyre.
Gjatë Lojërave Mesdhetare, kampusi i studentëve do të përdoret përkohësisht si fshati i atletëve, ndërsa objektet sportive të shkollave përreth do të shërbejnë si qendra stërvitore. Projekti synon të krijojë përfitime afatgjata për studentët e Universitetit të Prishtinës dhe banorët e Prishtinës, edhe pas përfundimit të aktivitetit sportiv.
Murati bëri të ditur se financimi kryesor i parashikuar në marrëveshje arrin në 60 milionë euro. Përveç kësaj shume, Kosova mund të përfitojë edhe një grant investiv shtesë prej 10 milionë eurosh.
Investimi do të fokusohet në përmirësimin e infrastrukturës së kampusit universitar dhe të objekteve sportive përreth, të cilat do të kenë rol në strehimin dhe përgatitjen e sportistëve gjatë “Prishtina 2030”.
Pas mbylljes së Lojërave Mesdhetare, ndërtesat dhe hapësirat e rikualifikuara pritet të vazhdojnë të përdoren nga studentët e Universitetit të Prishtinës dhe komuniteti.
Rolando Maran është intervistuar nga “La Gazzetta dello Sport” pas suksesit me Kombëtaren. Kuqezinjtë e mbyllën të parët në Grupin…
Kryeministri i Kosovës, Albin Kurti, ka paralajmëruar se brenda 4 vjetësh synon të zëvendësojë 1 miliard euro importe me prodhime…
Rektori i Universitetit të Prishtinës, Arben Hajrullahu, ka mohuar se emaili i dërguar ndaj studentëve të Fakultetit të Mjekësisë përmban…
Shefja e Grupit Parlamentar të Lëvizjes Vetëvendosje, Arbërie Nagavci, ka folur në Kuvendin e Kosovës për qëndrimin e Jakup Krasniqit…
Parlamenti Studentor i Universitetit të Prishtinës ka protestuar sot para Rektoratit, në shenjë kundërshtimi ndaj emailit të dërguar nga rektori,…
Kuvendi i Kosovës pritet që në seancën e sotme të shqyrtojë vendimin e Qeverisë për shpalljen e masave emergjente në…