“Kur ishim miq! Eja këtu, miku im i vogël”, Dani Alves tallet me CR7 duke postuar një nga fotot e tij të vjetra

Ish-lojtari i Barcelonës, Dani Alves është tallur me sulmuesin e Manchester United, Cristiano Ronaldo, duke postuar një foto në rrjetet sociale.

Veterani brazilian dhe mbrojtësi i Barcelonës iu bashkua kampionatit meksikan dhe luan për klubin Pumas.

Alves bëri 405 paraqitje në Camp Nou, duke shënuar 22 gola dhe duke dhënë 104 asistime.

Në kulmin e karrierës së tij, ai u përball me Cristiano Ronaldon në El Clasico. Gjatë qëndrimit të Cristianos në Madrid, rivaliteti i tij me Alves ishte intensiv.

Për më tepër, lojtarët kundërshtuan njëri-tjetrin jo vetëm në klube, por edhe në ekipe. Alves ka postuar një foto nga ndeshja mes kombëtareve të Brazilit dhe Portugalisë, duke e firmosur:

“Kur ishim miq!!! Eja këtu, miku im i vogël”.

Cristiano mund të pretendojë me meritë se është një nga lojtarët më të mëdhenj në histori, por Alves gjithsesi e kaloi atë në një parametër: braziliani është lojtari më i titulluar jo vetëm për Barcelonën, por në historinë e futbollit në përgjithësi, ai ka 43 trofe në të në karrierë, Ronaldo ka 30.

Lojtarët nuk kanë gjasa të takohen përsëri në nivel klubi, sepse Alves luan në kampionatin meksikan, por ai mund të futet në kombëtaren braziliane për Kupën e Botës në Katar, e cila do të jetë e fundit si për të ashtu edhe për Ronaldon. Braziliani tani është 39 vjeç, portugezi është 37 vjeç. /albeu.com/