“Koha mund të jetë e maskarenjve, po Atdheu mbetet i Shqiptarëve”, Tifozat Kuq e Zi godasin FSHF-në pas ndeshjes me Letoninë

Tifozat Kuq e Zi kanë reaguar përsëri kundrejt Federatës Shqiptare të Futbollit (FSHF) dhe kjo shkaku i disa pengesave në ndeshjen e së martës mbrëma ndaj Letonisë.

Shqipëria luajti mbrëmë ndaj Letonisë në udhëtim, ku barazuan me rezultat 1-1 duke vështirësuar edhe më shumë kualifikimin në Kupën e Botës 2026.

Megjithatë, edhe në këtë ndeshje Tifozat Kuq e Zi hasen në pengesa nga FSHF, të cilët intervenuan të vendasit për t’iu bërë kontrolle të rrepta tifozëve dhe për të parandaluar banerat dhe mesazhet e tyre.

Është vet faqja zyrtare e Tifozave Kuq e Zi që ka njoftuar rreth kësaj duke thënë mes tjerash se: “E dimë mirë me kë kemi punë – me miqtë e shkijeve. Por le ta mbajnë mend: koha mund të jetë e maskarenjve, po Atdheu mbetet i Shqiptarëve”.

Postimi pa ndërhyrje i Tifozave Kuq e Zi

Manovrat penguese të FSHF-së vazhduan edhe dje në Riga. Në hyrje të stadiumit, djemtë tanë u përballën me kontrolle të papara më parë në një transfertë. Steëard-ët na thanë hapur: “Kemi urdhër nga federata juaj t’ju kontrollojmë hollësisht”. Me këtë rast, na ndaluan të gjitha banderolat dhe parullat që kishim me vete, edhe pse përmbanin vetëm shkrimet e zakonshme “Tifozat Kuq e Zi” dhe “TKZ on Tour”. Ato me mesazhe, sigurisht që i futëm brenda.

Kjo ishte tentativa e dytë: e para erdhi kur nuk na ndanë fare biletat që, sipas rregullores, u takojnë tifozëve vizitorë. Donin t’i linin karriget bosh për të thënë se “s’kishim tifoza”. E dimë mirë me kë kemi punë – me miqtë e shkijeve. Por le ta mbajnë mend: koha mund të jetë e maskarenjve, po Atdheu mbetet i Shqiptarëve.

Shihemi përsëri së shpejti.

Tifoza Kuq e Zi

O sa mirë me qenë Shqiptar!