Categories: sport

Kina bllokon transmetimet e La Ligës pas polemikës me Mbappen

Televizioni shtetëror kinez CCTV ka ndalur transmetimin e ndeshjeve të La Ligës spanjolle, duke zbatuar paralajmërimin e dhënë pas debatit të krijuar nga një deklaratë e sulmuesit të Real Madridit, Kylian Mbappe.

Reagimi në Kinë erdhi pasi futbollisti francez përmendi, gjatë një interviste, si një nga memet e tij të preferuara në internet një fotomontazh ku fytyra e tij ishte vendosur mbi trupin e ish-udhëheqësit kinez Mao Ce Dun.

Të lidhura

None found

Ndeshjet e kampionatit spanjoll munguan në programin e fundjavës së kaluar të CCTV-së. Paralelisht, aplikacioni zyrtar i transmetuesit hoqi edhe materialet që lidheshin me Real Madridin.

Masa të ngjashme u ndërmorën edhe në platformat online. Migu, partneri ekskluziv dixhital i La Ligës në Kinë, e largoi nga oferta ndeshjen e Real Madridit.

Sipas Marca-s, platforma fshiu gjithashtu pamjet e golave dhe paraqitjeve të mëparshme të Mbappes, ndërsa ndeshjet e tjera të La Ligës vijuan të ishin të aksesueshme.

Shkak për përplasjen u bë komenti i Mbappes për një meme ku ai shfaqej me imazhin e Mao Ce Dunit, figurës historike që themeloi Republikën Popullore të Kinës. Sulmuesi nuk e përmendi drejtpërdrejt emrin e tij, por fotomontazhi shkaktoi zemërim të madh në vendin aziatik.

Pas kësaj, disa kompani kineze ndërprenë marrëveshjet e sponsorizimit me futbollistin. Po ashtu, televizioni shtetëror hoqi nga programi transmetimet e La Ligës dhe reklamat ku shfaqej ylli francez.

Mbappe reagoi duke kërkuar falje në tri gjuhë: frëngjisht, kinezisht dhe anglisht. Për të ulur tensionet, presidenti i La Ligës, Javier Tebas, i dërgoi një letër zyrtare Grupit Mediatik të Kinës (CMG).

Një kërkimfalje bëri edhe Real Madridi, i cili shprehu respektin e madh të klubit për Kinën.

Autoritetet dhe mediat shtetërore kineze kanë bërë të ditur se letrat janë marrë, por ende nuk kanë dhënë një përgjigje përfundimtare nëse këto kërkimfalje konsiderohen të mjaftueshme.

Aktualisht mbetet e paqartë se kur do të rikthehen transmetimet e La Ligës në CCTV dhe në platformat e tjera kineze.

të fundit

Pronari i Milanit sinjalizon interes për yllin e Real Madridit: “Ndër më të mirët në botë, ndoshta më i miri

Pronari i Milanit, Gerry Cardinale, ka folur për planet e klubit italian në afatin kalimtar të janarit, duke konfirmuar se…

4 hours ago

According to Wall Street Journal, Kim Jong Un is expanding North Korea’s nuclear capabilities – what satellite images revealed

Ndërsa vëmendja ndërkombëtare është përqendruar te konflikti me Iranin, Koreja e Veriut po zgjeron infrastrukturën e saj bërthamore. [...] Read…

4 hours ago

Nga puna te dashuria/ Horoskopi për sot, 22 Nentor 2026

Dashi Nuk do keni aspak dyshime sot ne jetën tuaj ne çift dhe do ndiheni gati te hidhni hapa me…

4 hours ago

Studimi zbulon se vetmia dhe izolimi social mund të përshpejtojnë plakjen biologjike

Dy gjëra mund të përshpejtojnë plakjen biologjike — Klan Kosova [...]Read More...

4 hours ago

Sioni merr fitoren falë golave të Rrudhanit dhe Nivokazit

Donat Rrudhani dhe Rilind Nivokazi kanë shkëlqyer në fitoren e Sionit ndaj Servettes, duke shënuar nga një gol në triumfin…

5 hours ago

Real Madridi përmbys Celta Vigon në pjesën e dytë dhe fiton 2-1

Real Madridi ka shënuar fitore me përmbysje ndaj Celta Vigos, duke triumfuar me rezultat 2-1 në ndeshjen e vlefshme për…

5 hours ago