Categories: sport

Karoglan flet para ndeshjes me Skënderbeun: Gjendja psikologjike e dobët, 4-5 lojtarë jashtë për dëmtime – ja si do t’i zgjidhë golat e pësuar

Partizani luan nesër në orën 13:30 kundër Skënderbeut në stadiumin “Vora”, në takimin e javës së tetë të Abissnet Superiore. Trajneri i të kuqve, Mislav Karoglan, i është përgjigjur pyetjeve të gazetarëve një ditë para kësaj sfide.

Si paraqitet ekipi nga ana psikologjike dhe fizike pas disfatës me Vorën?

Të lidhura

None found

Është e qartë se pas një humbjeje të tillë atmosfera nuk është më e mira, por unë kam zgjedhur të përqendrohem tek elementët pozitivë që shfaqëm në atë takim. Rezultati nuk pasqyron ecurinë e lojës, pasi na goditën katër herë dhe pësuam katër gola.

Këtë javë jemi munduar të rregullojmë disa aspekte dhe skuadra është përgjigjur shumë mirë gjatë stërvitjeve. Mund të them se futbollistët kanë zhvilluar një javë të shkëlqyer në përgatitje.

Në aspektin fizik, nuk patëm shumë hapësirë për të punuar thellësisht, sepse kishim pak ditë në dispozicion dhe disa lojtarë janë të dëmtuar. Megjithatë, kemi punuar intensivisht dhe jam optimist se do të reagojmë siç duhet nesër.

Cili është synimi i Partizanit përballë Skënderbeut?

Dua të marrim tri pikët. Ky objektiv nuk ndryshon, duke pasur parasysh nivelin dhe emrin e klubit. E kam konceptuar ndeshjen për fitore, sepse nuk jam tip trajneri që mendon vetëm si të mbrohet ekipi.

Partizani, për më tepër, nuk ka mentalitet mbrojtës. Këtë e dëshmuam edhe në 45 minutat e para ndaj Vorës, ku dominuam zotërimin e topit. Nuk më intereson ta shohë skuadra renditjen ku gjendet. Të vijojmë punën dhe besoj se fati do të na kthehet në anën tonë.

Shumë gola të pësuar në javët e fundit?

Është e vërtetë që kemi marrë shumë gola, por faza mbrojtëse nis nga sulmuesit dhe jam përqendruar që ekipi të mbrohet si një bllok i vetëm. Në ndeshjen e fundit u penalizuam nga episode, si goli i Karricës nga 40 metra dhe më pas një penallti.

Megjithatë, pajtohem me ju se në vijim duhet të punojmë për të shmangur kaq shumë gola të pësuar, pasi numri është padyshim i lartë.

Sa është maksimumi që mund të arrijë Partizani me këtë grup lojtarësh?

Unë do të nxjerr më të mirën e mundshme në këtë klub. Për momentin kemi 4-5 futbollistë me cilësi të mirë që janë jashtë për shkak dëmtimesh. Kur ta kemi ekipin e plotë dhe të gjithë lojtarët të angazhuar në procesin stërvitor, atëherë do të mund t’ju jap një përgjigje më të saktë për këtë pyetje.

të fundit

Plaque of Albania’s honorary consulate unveiled in Bitola

Zëvendëskryeministri i parë i Maqedonisë së Veriut, Bekim Sali, së bashku me kryeministrin e Shqipërisë, Edi Rama, ka marrë pjesë…

7 minutes ago

LSDM: Citizens are on the brink of poverty due to high prices

LSDM-ja opozitare akuzon se qytetarët po jetojnë në buzë të varfërisë si pasojë e çmimeve të larta dhe standardit të…

7 minutes ago

European Defense Tech Hackathon concludes, winning teams announced in Kosovo

Pas tri ditë aktivitetesh, sot u përmbyll me sukses gara ndërkombëtare “European Defense Tech Hackathon”. Kjo garë u mbajt për…

7 minutes ago

German army tests AI kamikaze drones in Lithuania as hundreds of billions of euros are invested in modernizing the forces of…

Gjermania po përshpejton modernizimin e ushtrisë dhe po përgatitet për skenarët e luftës së së ardhmes. [...] Read More... The…

8 minutes ago

Rama clarifies stance on inclusion of Bulgarians in North Macedonia’s constitution: Albania will never be an obstacle on the EU path

Kryeministri Edi Rama ka reaguar ndaj debatit të krijuar në Maqedoninë e Veriut pas deklaratave të tij për përfshirjen e…

8 minutes ago

Stuhi shkatërruese në Brazil: 5 të vdekur, 265 të plagosur, mijëra banesa të dëmtuara dhe qyteti mbetet pa ujë e energji elektrike

Një stuhi jashtëzakonisht e fuqishme ka shkaktuar shkatërrime të mëdha në jug të Brazilit, duke lënë të paktën 5 persona…

8 minutes ago