Juventusi tenton t’i marr Portos dy yjet e ekipit, Motta do ta kompletonte ekipin me këtë dyshe

Drejtuesit e Juventusit po punojnë në tregun e transferimeve, ku Bianconerët duan të kompletojnë ekipin dhe t’i sigurojnë Thiago Mottës një ekip konkurrues në çdo repart.

Drejtori sportiv, Cristiano Giuntoli, po punon për shitjen e Matia Soule dhe distanca me Romën tashmë është minimale, ku marrëveshja pritet të mbyllet shpejtë.

Tani sytë janë nga Portugalia, më saktë te Porto. Galeno është emra që po flitet tash e një kohë të gjatë.

Ai ka një profil që pëlqehet nga Thiago Motta, pasi është i fortë në situatat një me një dhe ka një pasaportë portugeze. Pavarësisht admiruesve të tij në Ligën Premier, ai iu ka kërkuar menaxherëve të tij që të favorizonin Juventusin si destinacion. Lojtari ka një klauzolë lirimi prej 60 milionë eurosh dhe Porto nën drejtimin e presidentit të ri, Andres Villas Boas, dëshiron ta shesë.

Nëse largohet Federico Chiesa, Juventusi ka gati edhe një zëvendësues tjetër të mundshëm, pikërisht nga Porto.

Paqja mes Jadon Sanchos dhe Ten Hag është arritur dhe kjo ka ngadalësuar negociatat me Manchester United dhe Juventusit. Bianconerët mund të bëjnë pazar sërish në Portugali.

Francisco Conceicao, djali i vogël Sergios (babai i tij luante në Serinë A me Interin dhe Lazion) u shfaq edhe gjatë Kampionatit Evropian në Gjermani dhe ka një klauzolë lirimi prej 45 milionë eurosh, e cila është rritur vetëm pak ditë më parë. /Telegrafi/